Salmi 105

NOVA VULGATA	NOVA VULGATA
1 ALLELUIA. Confitemini Domino et invocate nomen eius, annuntiate inter gentes opera eius.	1 ALLELUIA. Confitemini Domino et invocate nomen eius, annuntiate inter gentes opera eius.
2 Cantate ei et psallite ei, meditamini in omnibus mirabilibus eius.	2 Cantate ei et psallite ei, meditamini in omnibus mirabilibus eius.
3 Laudamini in nomine sancto eius, laetetur cor quaerentium Dominum.	3 Laudamini in nomine sancto eius, laetetur cor quaerentium Dominum.
4 Quaerite Dominum et potentiam eius, quaerite faciem eius semper.	4 Quaerite Dominum et potentiam eius, quaerite faciem eius semper.
5 Mementote mirabilium eius, quae fecit, prodigia eius et iudicia oris eius,	5 Mementote mirabilium eius, quae fecit, prodigia eius et iudicia oris eius,
6 semen Abraham, servi eius, filii Iacob, electi eius.	6 semen Abraham, servi eius, filii Iacob, electi eius.
7 Ipse Dominus Deus noster; in universa terra iudicia eius.	7 Ipse Dominus Deus noster; in universa terra iudicia eius.
8 Memor fuit in saeculum testamenti sui, verbi, quod mandavit in mille generationes,	8 Memor fuit in saeculum testamenti sui, verbi, quod mandavit in mille generationes,
9 quod disposuit cum Abraham, et iuramenti sui ad Isaac.	9 quod disposuit cum Abraham, et iuramenti sui ad Isaac.
10 Et statuit illud Iacob in praeceptum et Israel in testamentum aeternum	10 Et statuit illud Iacob in praeceptum et Israel in testamentum aeternum
11 dicens: “ Tibi dabo terram Chanaan funiculum hereditatis vestrae ”.	11 dicens: “ Tibi dabo terram Chanaan funiculum hereditatis vestrae ”.
12 Cum essent numero brevi, paucissimi et peregrini in ea,	12 Cum essent numero brevi, paucissimi et peregrini in ea,
13 et pertransirent de gente in gentem et de regno ad populum alterum,	13 et pertransirent de gente in gentem et de regno ad populum alterum,
14 non permisit hominem nocere eis et corripuit pro eis reges:	14 non permisit hominem nocere eis et corripuit pro eis reges:
15 “ Nolite tangere christos meos et in prophetis meis nolite malignari ”.	15 “ Nolite tangere christos meos et in prophetis meis nolite malignari ”.
16 Et vocavit famem super terram et omne baculum panis contrivit.	16 Et vocavit famem super terram et omne baculum panis contrivit.
17 Misit ante eos virum, in servum venumdatus est Ioseph.	17 Misit ante eos virum, in servum venumdatus est Ioseph.
18 Strinxerunt in compedibus pedes eius, in ferrum intravit collum eius,	18 Strinxerunt in compedibus pedes eius, in ferrum intravit collum eius,
19 donec veniret verbum eius, eloquium Domini purgaret eum.	19 donec veniret verbum eius, eloquium Domini purgaret eum.
20 Misit rex et solvit eum, princeps populorum, et dimisit eum;	20 Misit rex et solvit eum, princeps populorum, et dimisit eum;
21 constituit eum dominum domus suae et principem omnis possessionis suae,	21 constituit eum dominum domus suae et principem omnis possessionis suae,
22 ut erudiret principes eius sicut semetipsum et senes eius prudentiam doceret.	22 ut erudiret principes eius sicut semetipsum et senes eius prudentiam doceret.
23 Et intravit Israel in Aegyptum, et Iacob peregrinus fuit in terra Cham.	23 Et intravit Israel in Aegyptum, et Iacob peregrinus fuit in terra Cham.
24 Et auxit populum suum vehementer et confortavit eum super inimicos eius.	24 Et auxit populum suum vehementer et confortavit eum super inimicos eius.
25 Convertit cor eorum, ut odirent populum eius et dolum facerent in servos eius.	25 Convertit cor eorum, ut odirent populum eius et dolum facerent in servos eius.
26 Misit Moysen servum suum, Aaron, quem elegit.	26 Misit Moysen servum suum, Aaron, quem elegit.
27 Posuit in eis verba signorum suorum et prodigiorum in terra Cham.	27 Posuit in eis verba signorum suorum et prodigiorum in terra Cham.
28 Misit tenebras et obscuravit, et restiterunt sermonibus eius.	28 Misit tenebras et obscuravit, et restiterunt sermonibus eius.
29 Convertit aquas eorum in sanguinem et occidit pisces eorum.	29 Convertit aquas eorum in sanguinem et occidit pisces eorum.
30 Edidit terra eorum ranas in penetralibus regum ipsorum.	30 Edidit terra eorum ranas in penetralibus regum ipsorum.
31 Dixit, et venit coenomyia et scinifes in omnibus finibus eorum.	31 Dixit, et venit coenomyia et scinifes in omnibus finibus eorum.
32 Posuit pluvias eorum grandinem, ignem comburentem in terra ipsorum.	32 Posuit pluvias eorum grandinem, ignem comburentem in terra ipsorum.
33 Et percussit vineas eorum et ficulneas eorum et contrivit lignum finium eorum.	33 Et percussit vineas eorum et ficulneas eorum et contrivit lignum finium eorum.
34 Dixit, et venit locusta et bruchus, cuius non erat numerus,	34 Dixit, et venit locusta et bruchus, cuius non erat numerus,
35 et comedit omne fenum in terra eorum et comedit fructum terrae eorum.	35 et comedit omne fenum in terra eorum et comedit fructum terrae eorum.
36 Et percussit omne primogenitum in terra eorum, primitias omnis roboris eorum.	36 Et percussit omne primogenitum in terra eorum, primitias omnis roboris eorum.
37 Et eduxit eos cum argento et auro; et non erat in tribubus eorum infirmus.	37 Et eduxit eos cum argento et auro; et non erat in tribubus eorum infirmus.
38 Laetata est Aegyptus in profectione eorum, quia incubuit timor eorum super eos.	38 Laetata est Aegyptus in profectione eorum, quia incubuit timor eorum super eos.
39 Expandit nubem in protectionem et ignem, ut luceret eis per noctem.	39 Expandit nubem in protectionem et ignem, ut luceret eis per noctem.
40 Petierunt, et venit coturnix, et pane caeli saturavit eos.	40 Petierunt, et venit coturnix, et pane caeli saturavit eos.
41 Dirupit petram, et fluxerunt aquae, abierunt in sicco flumina.	41 Dirupit petram, et fluxerunt aquae, abierunt in sicco flumina.
42 Quoniam memor fuit verbi sancti sui ad Abraham puerum suum.	42 Quoniam memor fuit verbi sancti sui ad Abraham puerum suum.
43 Et eduxit populum suum in exsultatione, electos suos in laetitia.	43 Et eduxit populum suum in exsultatione, electos suos in laetitia.
44 Et dedit illis regiones gentium, et labores populorum possederunt,	44 Et dedit illis regiones gentium, et labores populorum possederunt,
45 ut custodiant iustificationes eius et leges eius servent. ALLELUIA.	45 ut custodiant iustificationes eius et leges eius servent. ALLELUIA.