Salmi 23

¹ Psalmus. David.
Dominus pascit me, et nihil mihi deerit:

² in pascuis virentibus me collocavit,
super aquas quietis eduxit me,

³ animam meam refecit.
Deduxit me super semitas iustitiae propter nomen suum.

⁴ Nam et si ambulavero in valle umbrae mortis,
non timebo mala, quoniam tu mecum es.
Virga tua et baculus tuus,
ipsa me consolata sunt.

⁵ Parasti in conspectu meo mensam
adversus eos, qui tribulant me;
impinguasti in oleo caput meum,
et calix meus redundat.

⁶ Etenim benignitas et misericordia subsequentur me
omnibus diebus vitae meae,
et inhabitabo in domo Domini
in longitudinem dierum.