Salmi 104

NOVA VULGATA	NOVA VULGATA
1 Benedic, anima mea, Domino. Domine Deus meus, magnificatus es vehementer! Maiestatem et decorem induisti,	1 Benedic, anima mea, Domino. Domine Deus meus, magnificatus es vehementer! Maiestatem et decorem induisti,
2 amictus lumine sicut vestimento. Extendens caelum sicut velum,	2 amictus lumine sicut vestimento. Extendens caelum sicut velum,
3 qui exstruis in aquis cenacula tua. Qui ponis nubem ascensum tuum, qui ambulas super pennas ventorum.	3 qui exstruis in aquis cenacula tua. Qui ponis nubem ascensum tuum, qui ambulas super pennas ventorum.
4 Qui facis angelos tuos spiritus et ministros tuos ignem urentem.	4 Qui facis angelos tuos spiritus et ministros tuos ignem urentem.
5 Qui fundasti terram super stabilitatem suam, non inclinabitur in saeculum saeculi.	5 Qui fundasti terram super stabilitatem suam, non inclinabitur in saeculum saeculi.
6 Abyssus sicut vestimentum operuit eam, super montes stabant aquae.	6 Abyssus sicut vestimentum operuit eam, super montes stabant aquae.
7 Ab increpatione tua fugiunt, a voce tonitrui tui formidant.	7 Ab increpatione tua fugiunt, a voce tonitrui tui formidant.
8 Ascendunt in montes et descendunt in valles, in locum, quem statuisti eis.	8 Ascendunt in montes et descendunt in valles, in locum, quem statuisti eis.
9 Terminum posuisti, quem non transgredientur, neque convertentur operire terram.	9 Terminum posuisti, quem non transgredientur, neque convertentur operire terram.
10 Qui emittis fontes in torrentes; inter medium montium pertransibunt,	10 Qui emittis fontes in torrentes; inter medium montium pertransibunt,
11 potabunt omnes bestias agri, exstinguent onagri sitim suam.	11 potabunt omnes bestias agri, exstinguent onagri sitim suam.
12 Super ea volucres caeli habitabunt, de medio ramorum dabunt voces.	12 Super ea volucres caeli habitabunt, de medio ramorum dabunt voces.
13 Rigas montes de cenaculis tuis, de fructu operum tuorum satias terram.	13 Rigas montes de cenaculis tuis, de fructu operum tuorum satias terram.
14 Producis fenum iumentis et herbam servituti hominum, educens panem de terra	14 Producis fenum iumentis et herbam servituti hominum, educens panem de terra
15 et vinum, quod laetificat cor hominis; exhilarans faciem in oleo, panis autem cor hominis confirmat.	15 et vinum, quod laetificat cor hominis; exhilarans faciem in oleo, panis autem cor hominis confirmat.
16 Saturabuntur ligna Domini et cedri Libani, quas plantavit.	16 Saturabuntur ligna Domini et cedri Libani, quas plantavit.
17 Illic passeres nidificabunt, erodii domus in vertice earum.	17 Illic passeres nidificabunt, erodii domus in vertice earum.
18 Montes excelsi cervis, petrae refugium hyracibus.	18 Montes excelsi cervis, petrae refugium hyracibus.
19 Fecit lunam ad tempora signanda, sol cognovit occasum suum.	19 Fecit lunam ad tempora signanda, sol cognovit occasum suum.
20 Posuisti tenebras, et facta est nox: in ipsa reptabunt omnes bestiae silvae,	20 Posuisti tenebras, et facta est nox: in ipsa reptabunt omnes bestiae silvae,
21 catuli leonum rugientes, ut rapiant et quaerant a Deo escam sibi.	21 catuli leonum rugientes, ut rapiant et quaerant a Deo escam sibi.
22 Oritur sol, et congregantur et in cubilibus suis recumbunt.	22 Oritur sol, et congregantur et in cubilibus suis recumbunt.
23 Exit homo ad opus suum et ad operationem suam usque ad vesperum.	23 Exit homo ad opus suum et ad operationem suam usque ad vesperum.
24 Quam multiplicata sunt opera tua, Domine! Omnia in sapientia fecisti, impleta est terra creatura tua.	24 Quam multiplicata sunt opera tua, Domine! Omnia in sapientia fecisti, impleta est terra creatura tua.
25 Hoc mare magnum et spatiosum et latum: illic reptilia, quorum non est numerus, animalia pusilla cum magnis;	25 Hoc mare magnum et spatiosum et latum: illic reptilia, quorum non est numerus, animalia pusilla cum magnis;
26 illic naves pertransibunt, Leviathan, quem formasti ad ludendum cum eo.	26 illic naves pertransibunt, Leviathan, quem formasti ad ludendum cum eo.
27 Omnia a te exspectant, ut des illis escam in tempore suo.	27 Omnia a te exspectant, ut des illis escam in tempore suo.
28 Dante te illis, colligent, aperiente te manum tuam, implebuntur bonis.	28 Dante te illis, colligent, aperiente te manum tuam, implebuntur bonis.
29 Avertente autem te faciem, turbabuntur; auferes spiritum eorum, et deficient et in pulverem suum revertentur.	29 Avertente autem te faciem, turbabuntur; auferes spiritum eorum, et deficient et in pulverem suum revertentur.
30 Emittes spiritum tuum, et creabuntur, et renovabis faciem terrae.	30 Emittes spiritum tuum, et creabuntur, et renovabis faciem terrae.
31 Sit gloria Domini in saeculum; laetetur Dominus in operibus suis.	31 Sit gloria Domini in saeculum; laetetur Dominus in operibus suis.
32 Qui respicit terram et facit eam tremere, qui tangit montes, et fumigant.	32 Qui respicit terram et facit eam tremere, qui tangit montes, et fumigant.
33 Cantabo Domino in vita mea, psallam Deo meo quamdiu sum.	33 Cantabo Domino in vita mea, psallam Deo meo quamdiu sum.
34 Iucundum sit ei eloquium meum, ego vero delectabor in Domino.	34 Iucundum sit ei eloquium meum, ego vero delectabor in Domino.
35 Deficiant peccatores a terra et iniqui, ita ut non sint. Benedic, anima mea, Domino.	35 Deficiant peccatores a terra et iniqui, ita ut non sint. Benedic, anima mea, Domino.