---

¹ Psalmus. David. Ad commemorandum.
²Domine, ne in furore tuo arguas meneque in ira tua corripias me,
³quoniam sagittae tuae infixae sunt mihi,et descendit super me manus tua.
⁴Non est sanitas in carne mea a facie indignationis tuae,non est pax ossibus meis a facie peccatorum meorum.
⁵Quoniam iniquitates meae supergressae sunt caput meumet sicut onus grave gravant me nimis. -
⁶Putruerunt et corrupti sunt livores meia facie insipientiae meae.
⁷Inclinatus sum et incurvatus nimis;tota die contristatus ingrediebar.
⁸Quoniam lumbi mei impleti sunt ardoribus,et non est sanitas in carne mea.
⁹Afflictus sum et humiliatus sum nimis,rugiebam a gemitu cordis mei.
¹⁰Domine, ante te omne desiderium meum,et gemitus meus a te non est absconditus.
¹¹Palpitavit cor meum, dereliquit me virtus mea,et lumen oculorum meorum, et ipsum non est mecum.
¹²Amici mei et proximi meiprocul a plaga mea steterunt,et propinqui mei de longe steterunt.
¹³Et laqueos posuerunt, qui quaerebant animam meam;et, qui requirebant mala mihi, locuti sunt insidiaset dolos tota die meditabantur.
¹⁴Ego autem tamquam surdus non audiebamet sicut mutus non aperiens os suum;
¹⁵et factus sum sicut homo non audienset non habens in ore suo redargutiones.
¹⁶Quoniam in te, Domine, speravi,tu exaudies, Domine Deus meus.
¹⁷Quia dixi: “Ne quando supergaudeant mihi;dum commoventur pedes mei,magnificantur super me ”.
¹⁸Quoniam ego in lapsum paratus sum,et dolor meus in conspectu meo semper.
¹⁹Quoniam iniquitatem meam annuntiaboet sollicitus sum de peccato meo.
²⁰Inimici autem mei vivunt et confirmati sunt;et multiplicati sunt, qui oderunt me inique.
²¹Retribuentes mala pro bonis detrahebant mihi,pro eo quod sequebar bonitatem.
²²Ne derelinquas me, Domine;Deus meus, ne discesseris a me.
²³Festina in adiutorium meum,Domine, salus mea.

---

Gen Ex Lv Nm Deut Ios Iudc Ruth 1 Re 2 Re 3 Re 4 Re 1 Par 2 Par Esd Neh Tob Iudt Esth 1 Mach 2 Mach Iob Ps Prov Eccle Cant Sap Eccli Isa Ier Lam Bar Ez Dan Os Ioel Am Abd Ion Mi Nah Hab Soph Agg Zach Mal Mt Mc Lc Io Act Rom 1Cor 2Cor Gal Eph Phil Col 1 Thess 2 Thess 1 Tim 2 Tim Tit Philem Hebr Iac 1 Pt 2 Pt 1 Io 2 Io 3 Io Iud Apoc