Salmi 68
123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150
Confronta con un'altra Bibbia
Cambia Bibbia
NOVA VULGATA | VULGATA |
---|---|
1 Magistro chori. David. Psalmus. Canticum. | 1 In finem, pro iis qui commutabuntur. David. |
2 Exsurgit Deus, et dissipantur inimici eius; et fugiunt, qui oderunt eum, a facie eius. | 2 Salvum me fac, Deus, quoniam intraverunt aquæ usque ad animam meam. |
3 Sicut dissipatur fumus, tu dissipas; sicut fluit cera a facie ignis, sic pereunt peccatores a facie Dei. | 3 Infixus sum in limo profundi et non est substantia. Veni in altitudinem maris, et tempestas demersit me. |
4 Et iusti laetentur et exsultent in conspectu Dei et delectentur in laetitia. | 4 Laboravi clamans, raucæ factæ sunt fauces meæ ; defecerunt oculi mei, dum spero in Deum meum. |
5 Cantate Deo, psalmum dicite nomini eius; iter facite ei, qui fertur super nubes: Dominus nomen illi. Iubilate in conspectu eius; | 5 Multiplicati sunt super capillos capitis mei qui oderunt me gratis. Confortati sunt qui persecuti sunt me inimici mei injuste ; quæ non rapui, tunc exsolvebam. |
6 pater orphanorum et iudex viduarum, Deus in habitaculo sancto suo. | 6 Deus, tu scis insipientiam meam ; et delicta mea a te non sunt abscondita. |
7 Deus, qui inhabitare facit desolatos in domo, qui educit vinctos in prosperitatem; verumtamen rebelles habitabunt in arida terra. - | 7 Non erubescant in me qui exspectant te, Domine, Domine virtutum ; non confundantur super me qui quærunt te, Deus Israël. |
8 Deus, cum egredereris in conspectu populi tui, cum pertransires in deserto, | 8 Quoniam propter te sustinui opprobrium ; operuit confusio faciem meam. |
9 terra mota est, etiam caeli distillaverunt a facie Dei Sinai, a facie Dei Israel. | 9 Extraneus factus sum fratribus meis, et peregrinus filiis matris meæ. |
10 Pluviam voluntariam effundebas, Deus; hereditatem tuam infirmatam, tu refecisti eam. | 10 Quoniam zelus domus tuæ comedit me, et opprobria exprobrantium tibi ceciderunt super me. |
11 Animalia tua habitabant in ea, parasti in bonitate tua pauperi, Deus. | 11 Et operui in jejunio animam meam, et factum est in opprobrium mihi. |
12 Dominus dat verbum; virgines annuntiantes bona sunt agmen ingens: | 12 Et posui vestimentum meum cilicium ; et factus sum illis in parabolam. |
13 “ Reges exercituum fugiunt, fugiunt, et species domus dividit spolia. | 13 Adversum me loquebantur qui sedebant in porta, et in me psallebant qui bibebant vinum. |
14 Et vos dormitis inter medias caulas: alae columbae nitent argento, et pennae eius pallore auri. | 14 Ego vero orationem meam ad te, Domine ; tempus beneplaciti, Deus. In multitudine misericordiæ tuæ, exaudi me in veritate salutis tuæ. |
15 Dum dispergit Omnipotens reges super eam, nive dealbatur Selmon ”. | 15 Eripe me de luto, ut non infigar ; libera me ab iis qui oderunt me, et de profundis aquarum. |
16 Mons Dei mons Basan, mons cacuminum mons Basan. | 16 Non me demergat tempestas aquæ, neque absorbeat me profundum, neque urgeat super me puteus os suum. |
17 Ut quid invidetis, montes cacuminum, monti, in quo beneplacitum est Deo inhabitare? Etenim Dominus habitabit in finem. | 17 Exaudi me, Domine, quoniam benigna est misericordia tua ; secundum multitudinem miserationum tuarum respice in me. |
18 Currus Dei decem milia milium: Dominus venit de Sinai in sancta. | 18 Et ne avertas faciem tuam a puero tuo ; quoniam tribulor, velociter exaudi me. |
19 Ascendisti in altum, captivam duxisti captivitatem; accepisti in donum homines, ut etiam rebelles habitent apud Dominum Deum. | 19 Intende animæ meæ, et libera eam ; propter inimicos meos, eripe me. |
20 Benedictus Dominus die cotidie; portabit nos Deus salutarium nostrorum. | 20 Tu scis improperium meum, et confusionem meam, et reverentiam meam ; |
21 Deus noster, Deus ad salvandum; et Domini, Domini exitus mortis. | 21 in conspectu tuo sunt omnes qui tribulant me. Improperium exspectavit cor meum et miseriam : et sustinui qui simul contristaretur, et non fuit ; et qui consolaretur, et non inveni. |
22 Verumtamen Deus confringet capita inimicorum suorum, verticem capillatum perambulantium in delictis suis. | 22 Et dederunt in escam meam fel, et in siti mea potaverunt me aceto. |
23 Dixit Dominus: “ Ex Basan reducam, reducam de profundo maris, | 23 Fiat mensa eorum coram ipsis in laqueum, et in retributiones, et in scandalum. |
24 ut intingatur pes tuus in sanguine, lingua canum tuorum ex inimicis portionem inveniat ”. | 24 Obscurentur oculi eorum, ne videant, et dorsum eorum semper incurva. |
25 Viderunt ingressus tuos, Deus, ingressus Dei mei, regis mei in sancta. | 25 Effunde super eos iram tuam, et furor iræ tuæ comprehendat eos. |
26 Praecedunt cantores, postremi veniunt psallentes. in medio iuvenculae tympanistriae. | 26 Fiat habitatio eorum deserta, et in tabernaculis eorum non sit qui inhabitet. |
27 “ In ecclesiis benedicite Deo, Domino, vos de fontibus Israel ”. | 27 Quoniam quem tu percussisti persecuti sunt, et super dolorem vulnerum meorum addiderunt. |
28 Ibi Beniamin adulescentulus ducens eos, principes Iudae cum turma sua, principes Zabulon, principes Nephthali. | 28 Appone iniquitatem super iniquitatem eorum, et non intrent in justitiam tuam. |
29 Manda, Deus, virtuti tuae; confirma hoc, Deus, quod operatus es in nobis. | 29 Deleantur de libro viventium, et cum justis non scribantur. |
30 A templo tuo in Ierusalem tibi afferent reges munera. | 30 Ego sum pauper et dolens ; salus tua, Deus, suscepit me. |
31 Increpa feram arundinis, congregationem taurorum in vitulis populorum: prosternant se cum laminis argenti. Dissipa gentes, quae bella volunt. | 31 Laudabo nomen Dei cum cantico, et magnificabo eum in laude : |
32 Venient optimates ex Aegypto, Aethiopia praeveniet manus suas Deo. | 32 et placebit Deo super vitulum novellum, cornua producentem et ungulas. |
33 Regna terrae, cantate Deo, psallite Domino, psallite Deo, | 33 Videant pauperes, et lætentur ; quærite Deum, et vivet anima vestra : |
34 qui fertur super caelum caeli ad orientem; ecce dabit vocem suam, vocem virtutis. | 34 quoniam exaudivit pauperes Dominus, et vinctos suos non despexit. |
35 Tribuite virtutem Deo. Super Israel magnificentia eius, et virtus eius in nubibus. | 35 Laudent illum cæli et terra ; mare, et omnia reptilia in eis. |
36 Mirabilis, Deus, de sanctuario tuo! Deus Israel ipse tribuet virtutem et fortitudinem plebi suae. Benedictus Deus! | 36 Quoniam Deus salvam faciet Sion, et ædificabuntur civitates Juda, et inhabitabunt ibi, et hæreditate acquirent eam. |
37 Et semen servorum ejus possidebit eam ; et qui diligunt nomen ejus habitabunt in ea. |