---

¹ Magistro chori. Secundum " Ne destruxeris ".David. Miktam.
²Numquid vere, potentes, iustitiam loquimini,recte iudicatis filios hominum?
³Etenim in corde iniquitates operamini,in terra violentiam manus vestrae concinnant.
⁴Alienati sunt peccatores ab utero;erraverunt a ventre, qui loquuntur falsa.
⁵Venenum illis in similitudinem serpentis,sicut aspidis surdae et obturantis aures suas,
⁶quae non exaudiet vocem incantantiumet venefici incantantis sapienter.
⁷Deus, contere dentes eorum in ore ipsorum;molas leonum confringe, Domine.
⁸Diffluant tamquam aqua decurrens,sicut fenum conculcatum arescant.
⁹Sicut limax, quae tabescens transit, sicut abortivum mulieris, quod non viditsolem.
¹⁰Priusquam sentiant ollae vestrae rhamnum,sicut viventes, sicut ardor irae absorbet eos.
¹¹Laetabitur iustus, cum viderit vindictam,pedes suos lavabit in sanguine peccatoris.
¹²Et dicet homo: “ Utique est fructus iusto,utique est Deus iudicans eos in terra ”.

---

Gen Ex Lv Nm Deut Ios Iudc Ruth 1 Re 2 Re 3 Re 4 Re 1 Par 2 Par Esd Neh Tob Iudt Esth 1 Mach 2 Mach Iob Ps Prov Eccle Cant Sap Eccli Isa Ier Lam Bar Ez Dan Os Ioel Am Abd Ion Mi Nah Hab Soph Agg Zach Mal Mt Mc Lc Io Act Rom 1Cor 2Cor Gal Eph Phil Col 1 Thess 2 Thess 1 Tim 2 Tim Tit Philem Hebr Iac 1 Pt 2 Pt 1 Io 2 Io 3 Io Iud Apoc