Salmi 147
123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150
Confronta con un'altra Bibbia
Cambia Bibbia
NOVA VULGATA | VULGATA |
---|---|
1 ALLELUIA. Laudate Dominum, quoniam bonum est psallere Deo nostro, quoniam iucundum est celebrare laudem. | 1 Alleluja. Lauda, Jerusalem, Dominum ; lauda Deum tuum, Sion. |
2 Aedificans Ierusalem Dominus, dispersos Israelis congregabit. | 2 Quoniam confortavit seras portarum tuarum ; benedixit filiis tuis in te. |
3 Qui sanat contritos corde et alligat plagas eorum; | 3 Qui posuit fines tuos pacem, et adipe frumenti satiat te. |
4 qui numerat multitudinem stellarum et omnibus eis nomina vocat. | 4 Qui emittit eloquium suum terræ : velociter currit sermo ejus. |
5 Magnus Dominus noster et magnus virtute, sapientiae eius non est numerus. | 5 Qui dat nivem sicut lanam ; nebulam sicut cinerem spargit. |
6 Sustentat mansuetos Dominus, humilians autem peccatores usque ad terram. | 6 Mittit crystallum suam sicut buccellas : ante faciem frigoris ejus quis sustinebit ? |
7 Praecinite Domino in confessione, psallite Deo nostro in cithara. | 7 Emittet verbum suum, et liquefaciet ea ; flabit spiritus ejus, et fluent aquæ. |
8 Qui operit caelum nubibus et parat terrae pluviam. Qui producit in montibus fenum et herbam servituti hominum. | 8 Qui annuntiat verbum suum Jacob, justitias et judicia sua Israël. |
9 Qui dat iumentis escam ipsorum et pullis corvorum invocantibus eum. | 9 Non fecit taliter omni nationi, et judicia sua non manifestavit eis. Alleluja. |
10 Non in fortitudine equi delectatur, nec in tibiis viri beneplacitum est ei. | |
11 Beneplacitum est Domino super timentes eum et in eis, qui sperant super misericordia eius. | |
12 Lauda, Ierusalem, Dominum; collauda Deum tuum, Sion. | |
13 Quoniam confortavit seras portarum tuarum, benedixit filiis tuis in te. | |
14 Qui ponit fines tuos pacem et adipe frumenti satiat te. | |
15 Qui emittit eloquium suum terrae, velociter currit verbum eius. | |
16 Qui dat nivem sicut lanam, pruinam sicut cinerem spargit. | |
17 Mittit crystallum suam sicut buccellas; ante faciem frigoris eius quis sustinebit? | |
18 Emittet verbum suum et liquefaciet ea, flabit spiritus eius, et fluent aquae. | |
19 Qui annuntiat verbum suum Iacob, iustitias et iudicia sua Israel. | |
20 Non fecit taliter omni nationi et iudicia sua non manifestavit eis. ALLELUIA. |