Salmi 118

NOVA VULGATA	NOVA VULGATA
1 ALLELUIA. Confitemini Domino, quoniam bonus, quoniam in saeculum misericordia eius.	1 ALLELUIA. Confitemini Domino, quoniam bonus, quoniam in saeculum misericordia eius.
2 Dicat nunc Israel, quoniam bonus, quoniam in saeculum misericordia eius.	2 Dicat nunc Israel, quoniam bonus, quoniam in saeculum misericordia eius.
3 Dicat nunc domus Aaron, quoniam in saeculum misericordia eius.	3 Dicat nunc domus Aaron, quoniam in saeculum misericordia eius.
4 Dicant nunc, qui timent Dominum, quoniam in saeculum misericordia eius.	4 Dicant nunc, qui timent Dominum, quoniam in saeculum misericordia eius.
5 De tribulatione invocavi Dominum, et exaudivit me educens in latitudinem Dominus.	5 De tribulatione invocavi Dominum, et exaudivit me educens in latitudinem Dominus.
6 Dominus mecum, non timebo, quid faciat mihi homo.	6 Dominus mecum, non timebo, quid faciat mihi homo.
7 Dominus mecum adiutor meus, et ego despiciam inimicos meos.	7 Dominus mecum adiutor meus, et ego despiciam inimicos meos.
8 Bonum est confugere ad Dominum quam confidere in homine.	8 Bonum est confugere ad Dominum quam confidere in homine.
9 Bonum est confugere ad Dominum quam confidere in principibus.	9 Bonum est confugere ad Dominum quam confidere in principibus.
10 Omnes gentes circuierunt me, et in nomine Domini excidi eos.	10 Omnes gentes circuierunt me, et in nomine Domini excidi eos.
11 Circumdantes circumdederunt me, et in nomine Domini excidi eos.	11 Circumdantes circumdederunt me, et in nomine Domini excidi eos.
12 Circumdederunt me sicut apes et exarserunt sicut ignis in spinis, et in nomine Domini excidi eos.	12 Circumdederunt me sicut apes et exarserunt sicut ignis in spinis, et in nomine Domini excidi eos.
13 Impellentes impulerunt me, ut caderem, et Dominus adiuvit me.	13 Impellentes impulerunt me, ut caderem, et Dominus adiuvit me.
14 Fortitudo mea et laus mea Dominus et factus est mihi in salutem.	14 Fortitudo mea et laus mea Dominus et factus est mihi in salutem.
15 Vox iubilationis et salutis in tabernaculis iustorum: “ Dextera Domini fecit virtutem!	15 Vox iubilationis et salutis in tabernaculis iustorum: “ Dextera Domini fecit virtutem!
16 Dextera Domini exaltata est; dextera Domini fecit virtutem! ”.	16 Dextera Domini exaltata est; dextera Domini fecit virtutem! ”.
17 Non moriar, sed vivam et narrabo opera Domini.	17 Non moriar, sed vivam et narrabo opera Domini.
18 Castigans castigavit me Dominus et morti non tradidit me.	18 Castigans castigavit me Dominus et morti non tradidit me.
19 Aperite mihi portas iustitiae; ingressus in eas confitebor Domino.	19 Aperite mihi portas iustitiae; ingressus in eas confitebor Domino.
20 Haec porta Domini; iusti intrabunt in eam. -	20 Haec porta Domini; iusti intrabunt in eam. -
21 Confitebor tibi, quoniam exaudisti me et factus es mihi in salutem.	21 Confitebor tibi, quoniam exaudisti me et factus es mihi in salutem.
22 Lapidem quem reprobaverunt aedificantes, hic factus est in caput anguli;	22 Lapidem quem reprobaverunt aedificantes, hic factus est in caput anguli;
23 a Domino factum est istud et est mirabile in oculis nostris.	23 a Domino factum est istud et est mirabile in oculis nostris.
24 Haec est dies, quam fecit Dominus: exsultemus et laetemur in ea.	24 Haec est dies, quam fecit Dominus: exsultemus et laetemur in ea.
25 O Domine, salvum me fac; o Domine, da prosperitatem!	25 O Domine, salvum me fac; o Domine, da prosperitatem!
26 Benedictus, qui venit in nomine Domini. Benedicimus vobis de domo Domini.	26 Benedictus, qui venit in nomine Domini. Benedicimus vobis de domo Domini.
27 Deus Dominus et illuxit nobis. Instruite sollemnitatem in ramis condensis usque ad cornua altaris.	27 Deus Dominus et illuxit nobis. Instruite sollemnitatem in ramis condensis usque ad cornua altaris.
28 Deus meus es tu, et confitebor tibi, Deus meus, et exaltabo te.	28 Deus meus es tu, et confitebor tibi, Deus meus, et exaltabo te.
29 Confitemini Domino, quoniam bonus, quoniam in saeculum misericordia eius.	29 Confitemini Domino, quoniam bonus, quoniam in saeculum misericordia eius.