---

¹ Magistro chori. Psalmus. David.
²Exaudi, Deus, vocem meam in meditatione mea;a timore inimici custodi animam meam.
³Protege me a conventu malignantium,a multitudine operantium iniquitatem.
⁴Qui exacuerunt ut gladium linguas suas,intenderunt sagittas suas, venefica verba,
⁵ut sagittent in occultis immaculatum.Subito sagittabunt eum et non timebunt,
⁶firmaverunt sibi consilium nequam.Disputaverunt, ut absconderent laqueos,dixerunt: “ Quis videbit eos? ”.
⁷Excogitaverunt iniqua, perfecerunt excogitata consilia.Interiora hominis et cor eius abyssus.
⁸Et sagittavit illos Deus;subito factae sunt plagae eorum,
⁹et infirmavit eos lingua eorum.Caput movebunt omnes, qui videbunt eos,
¹⁰et timebit omnis homo;et annuntiabunt opera Deiet facta eius intellegent.
¹¹Laetabitur iustus in Domino et sperabit in eo,et gloriabuntur omnes recti corde.

---

Gen Ex Lv Nm Deut Ios Iudc Ruth 1 Re 2 Re 3 Re 4 Re 1 Par 2 Par Esd Neh Tob Iudt Esth 1 Mach 2 Mach Iob Ps Prov Eccle Cant Sap Eccli Isa Ier Lam Bar Ez Dan Os Ioel Am Abd Ion Mi Nah Hab Soph Agg Zach Mal Mt Mc Lc Io Act Rom 1Cor 2Cor Gal Eph Phil Col 1 Thess 2 Thess 1 Tim 2 Tim Tit Philem Hebr Iac 1 Pt 2 Pt 1 Io 2 Io 3 Io Iud Apoc