Psalmi - 48

¹ Canticum. Psalmus. Filiorum Core.
²Magnus Dominus et laudabilis nimisin civitate Dei nostri.
³Mons sanctus eius collis speciosus,exsultatio universae terrae.Mons Sion, extrema aquilonis,civitas regis magni.
⁴Deus in domibus eius notusfactus est ut refugium.
⁵Quoniam ecce reges congregati sunt,convenerunt in unum.
⁶Ipsi cum viderunt, sic admirati sunt,conturbati sunt, diffugerunt;
⁷illic tremor apprehendit eos,dolores ut parturientis.
⁸In spiritu orientisconteres naves Tharsis.
⁹Sicut audivimus, sic vidimusin civitate Domini virtutum,in civitate Dei nostri;Deus fundavit eam in aeternum.
¹⁰Recogitamus, Deus, misericordiam tuamin medio templi tui.
¹¹Secundum nomen tuum, Deus,sic et laus tua in fines terrae;iustitia plena est dextera tua.
¹²Laetetur mons Sion, et exsultent filiae Iudaepropter iudicia tua.
¹³Circumdate Sion et complectimini eam,numerate turres eius.
¹⁴Ponite corda vestra in virtute eiuset percurrite domos eius,ut enarretis in progenie altera.
¹⁵Quoniam hic est Deus, Deus nosterin aeternum et in saeculum saeculi;ipse ducet nos in saecula.