Salmi 115

NOVA VULGATA	VULGATA
1 Non nobis, Domine, non nobis, sed nomini tuo da gloriam super misericordia tua et veritate tua.	1 Alleluja. Credidi, propter quod locutus sum ; ego autem humiliatus sum nimis.
2 Quare dicent gentes: “ Ubi est Deus eorum? ”.	2 Ego dixi in excessu meo : Omnis homo mendax.
3 Deus autem noster in caelo; omnia, quaecumque voluit, fecit.	3 Quid retribuam Domino pro omnibus quæ retribuit mihi ?
4 Simulacra gentium argentum et aurum, opera manuum hominum.	4 Calicem salutaris accipiam, et nomen Domini invocabo.
5 Os habent et non loquentur, oculos habent et non videbunt.	5 Vota mea Domino reddam coram omni populo ejus.
6 Aures habent et non audient, nares habent et non odorabunt.	6 Pretiosa in conspectu Domini mors sanctorum ejus.
7 Manus habent et non palpabunt, pedes habent et non ambulabunt; non clamabunt in gutture suo.	7 O Domine, quia ego servus tuus ; ego servus tuus, et filius ancillæ tuæ. Dirupisti vincula mea :
8 Similes illis erunt, qui faciunt ea, et omnes, qui confidunt in eis.	8 tibi sacrificabo hostiam laudis, et nomen Domini invocabo.
9 Domus Israel speravit in Domino: adiutorium eorum et scutum eorum est.	9 Vota mea Domino reddam in conspectu omnis populi ejus ;
10 Domus Aaron speravit in Domino: adiutorium eorum et scutum eorum est.	10 in atriis domus Domini, in medio tui, Jerusalem.
11 Qui timent Dominum, speraverunt in Domino: adiutorium eorum et scutum eorum est.
12 Dominus memor fuit nostri et benedicet nobis: benedicet domui Israel, benedicet domui Aaron,
13 benedicet omnibus, qui timent Dominum, pusillis cum maioribus.
14 Adiciat Dominus super vos, super vos et super filios vestros.
15 Benedicti vos a Domino, qui fecit caelum et terram.
16 Caeli, caeli sunt Domino, terram autem dedit filiis hominum.
17 Non mortui laudabunt te, Domine, neque omnes, qui descendunt in silentium,
18 sed nos, qui vivimus, benedicimus Domino ex hoc nunc et usque in saeculum.