---

¹ Psalmus. David.
Afferte Domino, filii Dei,
afferte Domino gloriam et potentiam,
²afferte Domino gloriam nominis eius,
adorate Dominum in splendore sancto.
³Vox Domini super aquas;
Deus maiestatis intonuit,
Dominus super aquas multas.
⁴Vox Domini in virtute,
vox Domini in magnificentia.
⁵Vox Domini confringentis cedros;
et confringet Dominus cedros Libani.
⁶Et saltare faciet, tamquam vitulum, Libanum,
et Sarion, quemadmodum filium unicornium. -
⁷Vox Domini intercidentis flammam ignis,
⁸vox Domini concutientis desertum,
et concutiet Dominus desertum Cades.
⁹Vox Domini properantis partum cervarum,
et denudabit condensa;
et in templo eius omnes dicent gloriam.
¹⁰Dominus super diluvium habitat,
et sedebit Dominus rex in aeternum.
¹¹Dominus virtutem populo suo dabit,
Dominus benedicet populo suo in pace.

---

Gen Ex Lv Nm Deut Ios Iudc Ruth 1 Re 2 Re 3 Re 4 Re 1 Par 2 Par Esd Neh Tob Iudt Esth 1 Mach 2 Mach Iob Ps Prov Eccle Cant Sap Eccli Isa Ier Lam Bar Ez Dan Os Ioel Am Abd Ion Mi Nah Hab Soph Agg Zach Mal Mt Mc Lc Io Act Rom 1Cor 2Cor Gal Eph Phil Col 1 Thess 2 Thess 1 Tim 2 Tim Tit Philem Hebr Iac 1 Pt 2 Pt 1 Io 2 Io 3 Io Iud Apoc