---

¹Venite, exsultemus Domino;
iubilemus Deo salutari nostro.
²Praeoccupemus faciem eius in confessione
et in psalmis iubilemus ei.
³Quoniam Deus magnus Dominus,
et rex magnus super omnes deos.
⁴Quia in manu eius sunt profunda terrae,
et altitudines montium ipsius sunt.
⁵Quoniam ipsius est mare, et ipse fecit illud,
et siccam manus eius formaverunt.
⁶Venite, adoremus et procidamus
et genua flectamus ante Dominum, qui fecit nos,
⁷quia ipse est Deus noster,
et nos populus pascuae eius et oves manus eius.
⁸Utinam hodie vocem eius audiatis:
“ Nolite obdurare corda vestra,
⁹sicut in Meriba, secundum diem Massa in deserto,
ubi tentaverunt me patres vestri:
probaverunt me, etsi viderunt opera mea.
¹⁰Quadraginta annis taeduit me generationis illius
et dixi: Populus errantium corde sunt isti.
¹¹Et ipsi non cognoverunt vias meas;
ideo iuravi in ira mea:
Non introibunt in requiem meam ”.

---

Gen Ex Lv Nm Deut Ios Iudc Ruth 1 Re 2 Re 3 Re 4 Re 1 Par 2 Par Esd Neh Tob Iudt Esth 1 Mach 2 Mach Iob Ps Prov Eccle Cant Sap Eccli Isa Ier Lam Bar Ez Dan Os Ioel Am Abd Ion Mi Nah Hab Soph Agg Zach Mal Mt Mc Lc Io Act Rom 1Cor 2Cor Gal Eph Phil Col 1 Thess 2 Thess 1 Tim 2 Tim Tit Philem Hebr Iac 1 Pt 2 Pt 1 Io 2 Io 3 Io Iud Apoc