Salmi 47

NOVA VULGATA	VULGATA
1 Magistro chori. Filiorum Core. Psalmus.	1 Psalmus cantici. Filiis Core, secunda sabbati.
2 Omnes gentes, plaudite manibus, iubilate Deo in voce exsultationis,	2 Magnus Dominus et laudabilis nimis, in civitate Dei nostri, in monte sancto ejus.
3 quoniam Dominus Altissimus, terribilis, rex magnus super omnem terram.	3 Fundatur exsultatione universæ terræ mons Sion ; latera aquilonis, civitas regis magni.
4 Subiecit populos nobis et gentes sub pedibus nostris.	4 Deus in domibus ejus cognoscetur cum suscipiet eam.
5 Elegit nobis hereditatem nostram, gloriam Iacob, quem dilexit.	5 Quoniam ecce reges terræ congregati sunt ; convenerunt in unum.
6 Ascendit Deus in iubilo, et Dominus in voce tubae.	6 Ipsi videntes, sic admirati sunt, conturbati sunt, commoti sunt.
7 Psallite Deo, psallite; psallite regi nostro, psallite.	7 Tremor apprehendit eos ; ibi dolores ut parturientis :
8 Quoniam rex omnis terrae Deus, psallite sapienter.	8 in spiritu vehementi conteres naves Tharsis.
9 Regnavit Deus super gentes, Deus sedet super sedem sanctam suam.	9 Sicut audivimus, sic vidimus, in civitate Domini virtutum, in civitate Dei nostri : Deus fundavit eam in æternum.
10 Principes populorum congregati sunt cum populo Dei Abraham, quoniam Dei sunt scuta terrae: vehementer elevatus est.	10 Suscepimus, Deus, misericordiam tuam in medio templi tui.
	11 Secundum nomen tuum, Deus, sic et laus tua in fines terræ ; justitia plena est dextera tua.
	12 Lætetur mons Sion, et exsultent filiæ Judæ, propter judicia tua, Domine.
	13 Circumdate Sion, et complectimini eam ; narrate in turribus ejus.
	14 Ponite corda vestra in virtute ejus, et distribuite domos ejus, ut enarretis in progenie altera.
	15 Quoniam hic est Deus, Deus noster in æternum, et in sæculum sæculi : ipse reget nos in sæcula.