Psalmi 11

Nova Vulgata	Bibbia Vulgata Clementina
¹ Magistro chori. David. In Domino confido, quomodo dicitis animae meae: “ Transmigra in montem sicut passer!	¹ In finem, pro octava. Psalmus David.
² Quoniam ecce peccatores intenderunt arcum, paraverunt sagittas suas super nervum, ut sagittent in obscuro rectos corde.	² Salvum me fac, Domine, quoniam defecit sanctus, quoniam diminutæ sunt veritates a filiis hominum.
³ Quando fundamenta evertuntur, iustus quid faciat? ”.	³ Vana locuti sunt unusquisque ad proximum suum ; labia dolosa, in corde et corde locuti sunt.
⁴ Dominus in templo sancto suo, Dominus, in caelo sedes eius. Oculi eius in pauperem respiciunt, palpebrae eius interrogant filios hominum.	⁴ Disperdat Dominus universa labia dolosa, et linguam magniloquam.
⁵ Dominus interrogat iustum et impium; qui autem diligit iniquitatem, odit anima eius.	⁵ Qui dixerunt : Linguam nostram magnificabimus ; labia nostra a nobis sunt. Quis noster dominus est ?
⁶ Pluet super peccatores carbones ignis et sulphur; et spiritus procellarum pars calicis eorum.	⁶ Propter miseriam inopum, et gemitum pauperum, nunc exsurgam, dicit Dominus. Ponam in salutari ; fiducialiter agam in eo.
⁷ Quoniam iustus Dominus et iustitias dilexit, recti videbunt vultum eius.	⁷ Eloquia Domini, eloquia casta ; argentum igne examinatum, probatum terræ, purgatum septuplum.
	⁸ Tu, Domine, servabis nos, et custodies nos a generatione hac in æternum.
	⁹ In circuitu impii ambulant : secundum altitudinem tuam multiplicasti filios hominum.