Salmi 32

NOVA VULGATA	VULGATA
1 David. Maskil. Beatus, cui remissa est iniquitas, et obtectum est peccatum.	1 Psalmus David. Exsultate, justi, in Domino ; rectos decet collaudatio.
2 Beatus vir, cui non imputavit Dominus delictum, nec est in spiritu eius dolus.	2 Confitemini Domino in cithara ; in psalterio decem chordarum psallite illi.
3 Quoniam tacui, inveteraverunt ossa mea, dum rugirem tota die.	3 Cantate ei canticum novum ; bene psallite ei in vociferatione.
4 Quoniam die ac nocte gravata est super me manus tua, immutatus est vigor meus in ardoribus aestatis.	4 Quia rectum est verbum Domini, et omnia opera ejus in fide.
5 Peccatum meum cognitum tibi feci et delictum meum non abscondi. Dixi: “ Confitebor adversum me iniquitatem meam Domino ”. Et tu remisisti impietatem peccati mei.	5 Diligit misericordiam et judicium ; misericordia Domini plena est terra.
6 Propter hoc orabit ad te omnis sanctus in tempore opportuno. Et in diluvio aquarum multarum ad eum non approximabunt.	6 Verbo Domini cæli firmati sunt, et spiritu oris ejus omnis virtus eorum.
7 Tu es refugium meum, a tribulatione conservabis me; exsultationibus salutis circumdabis me.	7 Congregans sicut in utre aquas maris ; ponens in thesauris abyssos.
8 Intellectum tibi dabo et instruam te in via, qua gradieris; firmabo super te oculos meos.	8 Timeat Dominum omnis terra ; ab eo autem commoveantur omnes inhabitantes orbem.
9 Nolite fieri sicut equus et mulus, quibus non est intellectus; in camo et freno si accedis ad constringendum, non approximant ad te.	9 Quoniam ipse dixit, et facta sunt ; ipse mandavit et creata sunt.
10 Multi dolores impii, sperantem autem in Domino misericordia circumdabit.	10 Dominus dissipat consilia gentium ; reprobat autem cogitationes populorum, et reprobat consilia principum.
11 Laetamini in Domino et exsultate, iusti; et gloriamini, omnes recti corde.	11 Consilium autem Domini in æternum manet ; cogitationes cordis ejus in generatione et generationem.
	12 Beata gens cujus est Dominus Deus ejus ; populus quem elegit in hæreditatem sibi.
	13 De cælo respexit Dominus ; vidit omnes filios hominum.
	14 De præparato habitaculo suo respexit super omnes qui habitant terram :
	15 qui finxit sigillatim corda eorum ; qui intelligit omnia opera eorum.
	16 Non salvatur rex per multam virtutem, et gigas non salvabitur in multitudine virtutis suæ.
	17 Fallax equus ad salutem ; in abundantia autem virtutis suæ non salvabitur.
	18 Ecce oculi Domini super metuentes eum, et in eis qui sperant super misericordia ejus :
	19 ut eruat a morte animas eorum, et alat eos in fame.
	20 Anima nostra sustinet Dominum, quoniam adjutor et protector noster est.
	21 Quia in eo lætabitur cor nostrum, et in nomine sancto ejus speravimus.
	22 Fiat misericordia tua, Domine, super nos, quemadmodum speravimus in te.