Psalmi - 27

¹David.Dominus illuminatio mea et salus mea; quem timebo?Dominus protector vitae meae; a quo trepidabo?
²Dum appropiant super me nocentes,ut edant carnes meas;qui tribulant me et inimici mei,ipsi infirmati sunt et ceciderunt.
³Si consistant adversum me castra,non timebit cor meum;si exsurgat adversum me proelium, in hoc ego sperabo.
⁴Unum petii a Domino, hoc requiram:ut inhabitem in domo Dominiomnibus diebus vitae meae,ut videam voluptatem Dominiet visitem templum eius.
⁵Quoniam occultabit me in tentorio suoin die malorum.Abscondet me in abscondito tabernaculi sui,in petra exaltabit me.
⁶Et nunc exaltatur caput meumsuper inimicos meos in circuitu meo.Immolabo in tabernaculo eius hostias vociferationis,cantabo et psalmum dicam Domino.
⁷Exaudi, Domine, vocem meam, qua clamavi;miserere mei et exaudi me.
⁸De te dixit cor meum: “ Exquirite faciem meam! ”.Faciem tuam, Domine, exquiram.
⁹Ne avertas faciem tuam a me,ne declines in ira a servo tuo.Adiutor meus es tu, ne me reiciasneque derelinquas me, Deus salutis meae.
¹⁰Quoniam pater meus et mater mea dereliquerunt me,Dominus autem assumpsit me.
¹¹Ostende mihi, Domine, viam tuamet dirige me in semitam rectam propter inimicos meos.
¹²Ne tradideris me in animam tribulantium me,quoniam insurrexerunt in me testes iniqui,et qui violentiam spirant.
¹³Credo videre bona Domini in terra viventium.
¹⁴Exspecta Dominum, viriliter age,et confortetur cor tuum, et sustine Dominum.