Salmi 123

NOVA VULGATA	VULGATA
1 Canticum ascensionum. Ad te levavi oculos meos, qui habitas in caelis.	1 Canticum graduum. Nisi quia Dominus erat in nobis, dicat nunc Israël,
2 Ecce sicut oculi servorum ad manus dominorum suorum, sicut oculi ancillae ad manus dominae suae, ita oculi nostri ad Dominum Deum nostrum, donec misereatur nostri.	2 nisi quia Dominus erat in nobis : cum exsurgerent homines in nos,
3 Miserere nostri, Domine, miserere nostri, quia multum repleti sumus despectione;	3 forte vivos deglutissent nos ; cum irasceretur furor eorum in nos,
4 quia multum repleta est anima nostra derisione abundantium et despectione superborum.	4 forsitan aqua absorbuisset nos ;
	5 torrentem pertransivit anima nostra ; forsitan pertransisset anima nostra aquam intolerabilem.
	6 Benedictus Dominus, qui non dedit nos in captionem dentibus eorum.
	7 Anima nostra sicut passer erepta est de laqueo venantium ; laqueus contritus est, et nos liberati sumus.
	8 Adjutorium nostrum in nomine Domini, qui fecit cælum et terram.