Jó 27

¹Addidit quoque Iob assu mens parabolam suam et dixit:
²“ Vivit Deus, qui abstulit ius meum, et Omnipotens, qui ad amaritudinemadduxit animam meam,
³quia, donec superest halitus in me,
et spiritus Dei in naribus meis,
⁴non loquentur labia mea iniquitatem,
nec lingua mea meditabitur mendacium!
⁵Absit a me, ut iustos vos esse iudicem;
donec exspirem, non recedam ab innocentia mea.
⁶Iustificationem meam, quam coepi tenere, non deseram,
neque enim reprehendit me cor meum in omni vita mea.
⁷Sit ut impius inimicus meus,
et adversarius meus quasi iniquus.
⁸Quae est enim spes impii, cum secet,
cum rapiat Deus animam eius?
⁹Numquid Deus audiet clamorem eius,
cum venerit super eum angustia?
¹⁰Aut poterit in Omnipotente delectari
et invocare Deum omni tempore?
¹¹Docebo vos manum Dei,
quae Omnipotens habeat, nec abscondam.
¹²Ecce vos omnes observastis,
et quid sine causa vana loquimini?
¹³Haec est pars hominis impii apud Deum,
et hereditas violentorum, quam ab Omnipotente suscipient.
¹⁴Si multiplicati fuerint filii eius, in gladio erunt,
et nepotes eius non saturabuntur pane.
¹⁵Qui reliqui fuerint ex eo, sepelientur in interitu,
et viduae illius non plorabunt.
¹⁶Si comportaverit quasi terram argentum
et sicut lutum praeparaverit vestimenta,
¹⁷praeparabit quidem, sed iustus vestietur illis,
et argentum innocens dividet.
¹⁸Aedificavit sicut aranea domum suam,
et sicut custos fecit umbraculum.
¹⁹Dives, cum dormierit, nihil secum auferet;
aperiet oculos suos et nihil inveniet.²⁰Apprehendet eum quasi aqua inopia,
nocte opprimet eum tempestas.
²¹Tollet eum ventus urens et auferet,
et velut turbo rapiet eum de loco suo.
²²Et mittet super eum et non parcet;
de manu eius fugiens fugiet.
²³Complodet super eum manus suas
et sibilabit eum de loco suo.

Vetus Testamentum

Novum Testamentum

Cambia Bibbia

Confronta con un'altra Bibbia

Versetti esaminati