Giobbe 15
Confronta con un'altra Bibbia
Cambia Bibbia
NOVA VULGATA | VULGATA |
---|---|
1 Respondens autem Eliphaz Themanites dixit: | 1 Respondens autem Eliphaz Themanites, dixit : |
2 “ Numquid sapiens respondebit sapientia ventosa et implebit vento urente stomachum suum? | 2 Numquid sapiens respondebit quasi in ventum loquens, et implebit ardore stomachum suum ? |
3 Arguens verbis, quae nihil prosunt, et sententiis, quae nihil iuvant? | 3 Arguis verbis eum qui non est æqualis tibi, et loqueris quod tibi non expedit. |
4 Tu autem pietatem dissolvis et detrahis meditationi coram Deo. | 4 Quantum in te est, evacuasti timorem, et tulisti preces coram Deo. |
5 Docet enim iniquitas tua os tuum, et assumis linguam callidorum. | 5 Docuit enim iniquitas tua os tuum, et imitaris linguam blasphemantium. |
6 Condemnabit te os tuum et non ego, et labia tua respondebunt tibi. | 6 Condemnabit te os tuum, et non ego : et labia tua respondebunt tibi. |
7 Numquid primus homo tu natus es et ante colles formatus? | 7 Numquid primus homo tu natus es, et ante colles formatus ? |
8 Numquid consilium Dei audisti et tibi attrahis sapientiam? | 8 numquid consilium Dei audisti, et inferior te erit ejus sapientia ? |
9 Quid nosti, quod nos ignoremus? Quid intellegis, quod nos nesciamus? | 9 Quid nosti quod ignoremus ? quid intelligis quod nesciamus ? |
10 Et senes et antiqui sunt inter nos, multo vetustiores quam pater tuus. | 10 Et senes et antiqui sunt in nobis, multo vetustiores quam patres tui. |
11 Numquid parum tibi sunt consolationes Dei? Et verbum lene tecum factum? | 11 Numquid grande est ut consoletur te Deus ? sed verba tua prava hoc prohibent. |
12 Quid te elevat cor tuum, et cur attonitos habes oculos? | 12 Quid te elevat cor tuum, et quasi magna cogitans attonitos habes oculos ? |
13 Quid vertis contra Deum spiritum tuum et profers de ore tuo huiuscemodi sermones? | 13 Quid tumet contra Deum spiritus tuus, ut proferas de ore tuo hujuscemodi sermones ? |
14 Quid est homo, ut immaculatus sit, et ut iustus appareat natus de muliere? | 14 Quid est homo ut immaculatus sit, et ut justus appareat natus de muliere ? |
15 Ecce, sanctis suis non fidit, et caeli non sunt mundi in conspectu eius; | 15 Ecce inter sanctos ejus nemo immutabilis, et cæli non sunt mundi in conspectu ejus. |
16 quanto magis abominabilis et corruptus homo, qui bibit quasi aquam iniquitatem. | 16 Quanto magis abominabilis et inutilis homo, qui bibit quasi aquam iniquitatem ? |
17 Ostendam tibi, audi me; quod vidi, narrabo tibi, | 17 Ostendam tibi : audi me : quod vidi, narrabo tibi. |
18 quod sapientes confitentur, et non celaverunt eos patres eorum: | 18 Sapientes confitentur, et non abscondunt patres suos : |
19 quibus solis data est terra, et non transivit alienus per eos. | 19 quibus solis data est terra, et non transivit alienus per eos. |
20 Cunctis diebus suis impius cruciatur, et numerus annorum incertus est tyranno. | 20 Cunctis diebus suis impius superbit, et numerus annorum incertus est tyrannidis ejus. |
21 Sonitus terroris semper in auribus illius, quasi, cum pax sit, vastator irruat in eum. | 21 Sonitus terroris semper in auribus illius : et cum pax sit, ille semper insidias suspicatur. |
22 Non credit quod reverti possit de tenebris, cum sit destinatus gladio. | 22 Non credit quod reverti possit de tenebris ad lucem, circumspectans undique gladium. |
23 Cum se moverit ad quaerendum panem: “Ubinam?”, novit quod paratus sit in manu eius tenebrarum dies. | 23 Cum se moverit ad quærendum panem, novit quod paratus sit in manu ejus tenebrarum dies. |
24 Terrebit eum tribulatio et angustia, vallabit eum sicut regem, qui praeparatur ad proelium. | 24 Terrebit eum tribulatio, et angustia vallabit eum, sicut regem qui præparatur ad prælium. |
25 Tetendit enim adversus Deum manum suam, et contra Omnipotentem roboratus est. | 25 Tetendit enim adversus Deum manum suam, et contra Omnipotentem roboratus est. |
26 Cucurrit adversus eum erecto collo, spisso scuto armatus. | 26 Cucurrit adversus eum erecto collo, et pingui cervice armatus est. |
27 Operuit faciem eius crassitudo, et de lateribus eius arvina dependet. | 27 Operuit faciem ejus crassitudo, et de lateribus ejus arvina dependet. |
28 Habitavit in civitatibus desolatis et in domibus desertis, quae in tumulos sunt redactae. | 28 Habitavit in civitatibus desolatis, et in domibus desertis, quæ in tumulos sunt redactæ. |
29 Non ditabitur, nec perseverabit substantia eius; nec mittet in terra radicem suam. | 29 Non ditabitur, nec perseverabit substantia ejus, nec mittet in terra radicem suam. |
30 Non recedet de tenebris; ramos eius arefaciet flamma, et auferet ventus florem eius. | 30 Non recedet de tenebris : ramos ejus arefaciet flamma, et auferetur spiritu oris sui. |
31 Ne credat vanitati errore deceptus, quia vanitas erit remuneratio eius. | 31 Non credet, frustra errore deceptus, quod aliquo pretio redimendus sit. |
32 Antequam dies eius impleantur, abscindentur, et ramus eius non virescet. | 32 Antequam dies ejus impleantur peribit, et manus ejus arescent. |
33 Laedetur quasi vinea in primo flore botrus eius, et quasi oliva proiciens florem suum. | 33 Lædetur quasi vinea in primo flore botrus ejus, et quasi oliva projiciens florem suum. |
34 Cangregatio enim impii sterilis, et ignis devorabit tabernacula eorum, qui munera libenter accipiunt. | 34 Congregatio enim hypocritæ sterilis, et ignis devorabit tabernacula eorum qui munera libenter accipiunt. |
35 Concepit dolorem et peperit iniquitatem, et venter eius praeparat dolos. | 35 Concepit dolorem, et peperit iniquitatem, et uterus ejus præparat dolos. |