Giobbe 8
Confronta con un'altra Bibbia
Cambia Bibbia
NOVA VULGATA | VULGATA |
---|---|
1 Respondens autem Baldad Suhites dixit: | 1 Respondens autem Baldad Suhites, dixit : |
2 “ Usquequo loqueris talia, et spiritus vehemens sermones oris tui? | 2 Usquequo loqueris talia, et spiritus multiplex sermones oris tui ? |
3 Numquid Deus supplantat iudicium, aut Omnipotens subvertit, quod iustum est? | 3 Numquid Deus supplantat judicium ? aut Omnipotens subvertit quod justum est ? |
4 Et si filii tui peccaverunt ei, et dimisit eos in manu iniquitatis suae, | 4 Etiam si filii tui peccaverunt ei, et dimisit eos in manu iniquitatis suæ : |
5 tu tamen, si diluculo consurrexeris ad Deum et Omnipotentem fueris deprecatus, | 5 tu tamen si diluculo consurrexeris ad Deum, et Omnipotentem fueris deprecatus ; |
6 si mundus et rectus incesseris, statim evigilabit ad te et pacatum reddet habitaculum iustitiae tuae; | 6 si mundus et rectus incesseris : statim evigilabit ad te, et pacatum reddet habitaculum justitiæ tuæ, |
7 in tantum ut, si priora tua fuerint parva, et novissima tua multiplicentur nimis. | 7 in tantum ut si priora tua fuerint parva, et novissima tua multiplicentur nimis. |
8 Interroga enim generationem pristinam et diligenter investiga patrum memoriam. | 8 Interroga enim generationem pristinam, et diligenter investiga patrum memoriam |
9 Hesterni quippe sumus et ignoramus, quoniam sicut umbra dies nostri sunt super terram. | 9 (hesterni quippe sumus, et ignoramus, quoniam sicut umbra dies nostri sunt super terram), |
10 Nonne ipsi docebunt te, loquentur tibi et de corde suo proferent eloquia? | 10 et ipsi docebunt te, loquentur tibi, et de corde suo proferent eloquia. |
11 Numquid virere potest scirpus absque umore, aut crescere carectum sine aqua? | 11 Numquid vivere potest scirpus absque humore ? aut crescere carectum sine aqua ? |
12 Cum adhuc sit in flore, nec carpatur manu, ante omnes herbas arescit. | 12 Cum adhuc sit in flore, nec carpatur manu, ante omnes herbas arescit. |
13 Sic viae omnium, qui obliviscuntur Deum, et spes impii peribit. | 13 Sic viæ omnium qui obliviscuntur Deum, et spes hypocritæ peribit. |
14 Cuius spes filum tenue, et sicut tela aranearum fiducia eius. | 14 Non ei placebit vecordia sua, et sicut tela aranearum fiducia ejus. |
15 Innitetur super domum suam et nonstabit; fulciet eam et non consurget. | 15 Innitetur super domum suam, et non stabit ; fulciet eam, et non consurget. |
16 Umectus videtur, antequam veniat sol, et in horto suo germen eius egredietur. | 16 Humectus videtur antequam veniat sol, et in ortu suo germen ejus egredietur. |
17 Super acervum petrarum radices eius densabuntur, et inter lapides commorabitur. | 17 Super acervum petrarum radices ejus densabuntur, et inter lapides commorabitur. |
18 Si absorbuerit eum de loco suo, negabit eum et dicet: “Non novi te”. | 18 Si absorbuerit eum de loco suo, negabit eum, et dicet : Non novi te. |
19 Haec est enim laetitia viae eius, ut rursum de terra alii germinentur. | 19 Hæc est enim lætitia viæ ejus, ut rursum de terra alii germinentur. |
20 Deus non proiciet simplicem nec porriget manum malignis, | 20 Deus non projiciet simplicem, nec porriget manum malignis, |
21 donec impleatur risu os tuum, et labia tua iubilo. | 21 donec impleatur risu os tuum, et labia tua jubilo. |
22 Qui oderunt te, induentur confusione, et tabernaculum impiorum non subsistet ”. | 22 Qui oderunt te induentur confusione, et tabernaculum impiorum non subsistet. |