Psalmi 58

VULGATA	NOVA VULGATA
1 In finem, ne disperdas. David in tituli inscriptionem, quando misit Saul et custodivit domum ejus ut eum interficeret.	1 Magistro chori. Secundum " Ne destruxeris ". David. Miktam.
2 Eripe me de inimicis meis, Deus meus, et ab insurgentibus in me libera me.	2 Numquid vere, potentes, iustitiam loquimini, recte iudicatis filios hominum?
3 Eripe me de operantibus iniquitatem, et de viris sanguinum salva me.	3 Etenim in corde iniquitates operamini, in terra violentiam manus vestrae concinnant.
4 Quia ecce ceperunt animam meam ; irruerunt in me fortes.	4 Alienati sunt peccatores ab utero; erraverunt a ventre, qui loquuntur falsa.
5 Neque iniquitas mea, neque peccatum meum, Domine ; sine iniquitate cucurri, et direxi.	5 Venenum illis in similitudinem serpentis, sicut aspidis surdae et obturantis aures suas,
6 Exsurge in occursum meum, et vide : et tu, Domine Deus virtutum, Deus Israël, intende ad visitandas omnes gentes : non miserearis omnibus qui operantur iniquitatem.	6 quae non exaudiet vocem incantantium et venefici incantantis sapienter.
7 Convertentur ad vesperam, et famem patientur ut canes : et circuibunt civitatem.	7 Deus, contere dentes eorum in ore ipsorum; molas leonum confringe, Domine.
8 Ecce loquentur in ore suo, et gladius in labiis eorum : quoniam quis audivit ?	8 Diffluant tamquam aqua decurrens, sicut fenum conculcatum arescant.
9 Et tu, Domine, deridebis eos ; ad nihilum deduces omnes gentes.	9 Sicut limax, quae tabescens transit, sicut abortivum mulieris, quod non viditsolem.
10 Fortitudinem meam ad te custodiam, quia, Deus, susceptor meus es :	10 Priusquam sentiant ollae vestrae rhamnum, sicut viventes, sicut ardor irae absorbet eos.
11 Deus meus misericordia ejus præveniet me.	11 Laetabitur iustus, cum viderit vindictam, pedes suos lavabit in sanguine peccatoris.
12 Deus ostendet mihi super inimicos meos : ne occidas eos, nequando obliviscantur populi mei. Disperge illos in virtute tua, et depone eos, protector meus, Domine :	12 Et dicet homo: “ Utique est fructus iusto, utique est Deus iudicans eos in terra ”.
13 delictum oris eorum, sermonem labiorum ipsorum ; et comprehendantur in superbia sua. Et de execratione et mendacio annuntiabuntur
14 in consummatione : in ira consummationis, et non erunt. Et scient quia Deus dominabitur Jacob, et finium terræ.
15 Convertentur ad vesperam, et famem patientur ut canes : et circuibunt civitatem.
16 Ipsi dispergentur ad manducandum ; si vero non fuerint saturati, et murmurabunt.
17 Ego autem cantabo fortitudinem tuam, et exsultabo mane misericordiam tuam : quia factus es susceptor meus, et refugium meum in die tribulationis meæ.
18 Adjutor meus, tibi psallam, quia Deus susceptor meus es ; Deus meus, misericordia mea.