Psalmi 12

¹In finem. Psalmus David. Usquequo, Domine, oblivisceris me in finem ?
usquequo avertis faciem tuam a me ?
²quamdiu ponam consilia in anima mea ;
dolorem in corde meo per diem ?
³usquequo exaltabitur inimicus meus super me ?
⁴Respice, et exaudi me, Domine Deus meus.
Illumina oculos meos, ne umquam obdormiam in morte ;
⁵nequando dicat inimicus meus : Prævalui adversus eum.
Qui tribulant me exsultabunt si motus fuero ;
⁶ego autem in misericordia tua speravi.
Exsultabit cor meum in salutari tuo.
Cantabo Domino qui bona tribuit mihi ;
et psallam nomini Domini altissimi.

Vetus Testamentum

Novum Testamentum

Cambia Bibbia

Confronta con un'altra Bibbia

Versetti esaminati