Psalmi 48

VULGATA	NOVA VULGATA
1 In finem, filiis Core. Psalmus.	1 Canticum. Psalmus. Filiorum Core.
2 Audite hæc, omnes gentes ; auribus percipite, omnes qui habitatis orbem :	2 Magnus Dominus et laudabilis nimis in civitate Dei nostri.
3 quique terrigenæ et filii hominum, simul in unum dives et pauper.	3 Mons sanctus eius collis speciosus, exsultatio universae terrae. Mons Sion, extrema aquilonis, civitas regis magni.
4 Os meum loquetur sapientiam, et meditatio cordis mei prudentiam.	4 Deus in domibus eius notus factus est ut refugium.
5 Inclinabo in parabolam aurem meam ; aperiam in psalterio propositionem meam.	5 Quoniam ecce reges congregati sunt, convenerunt in unum.
6 Cur timebo in die mala ? iniquitas calcanei mei circumdabit me.	6 Ipsi cum viderunt, sic admirati sunt, conturbati sunt, diffugerunt;
7 Qui confidunt in virtute sua, et in multitudine divitiarum suarum, gloriantur.	7 illic tremor apprehendit eos, dolores ut parturientis.
8 Frater non redimit, redimet homo : non dabit Deo placationem suam,	8 In spiritu orientis conteres naves Tharsis.
9 et pretium redemptionis animæ suæ. Et laborabit in æternum ;	9 Sicut audivimus, sic vidimus in civitate Domini virtutum, in civitate Dei nostri; Deus fundavit eam in aeternum.
10 et vivet adhuc in finem.	10 Recogitamus, Deus, misericordiam tuam in medio templi tui.
11 Non videbit interitum, cum viderit sapientes morientes : simul insipiens et stultus peribunt. Et relinquent alienis divitias suas,	11 Secundum nomen tuum, Deus, sic et laus tua in fines terrae; iustitia plena est dextera tua.
12 et sepulchra eorum domus illorum in æternum ; tabernacula eorum in progenie et progenie : vocaverunt nomina sua in terris suis.	12 Laetetur mons Sion, et exsultent filiae Iudae propter iudicia tua.
13 Et homo, cum in honore esset, non intellexit. Comparatus est jumentis insipientibus, et similis factus est illis.	13 Circumdate Sion et complectimini eam, numerate turres eius.
14 Hæc via illorum scandalum ipsis ; et postea in ore suo complacebunt.	14 Ponite corda vestra in virtute eius et percurrite domos eius, ut enarretis in progenie altera.
15 Sicut oves in inferno positi sunt : mors depascet eos. Et dominabuntur eorum justi in matutino ; et auxilium eorum veterascet in inferno a gloria eorum.	15 Quoniam hic est Deus, Deus noster in aeternum et in saeculum saeculi; ipse ducet nos in saecula.
16 Verumtamen Deus redimet animam meam de manu inferi, cum acceperit me.
17 Ne timueris cum dives factus fuerit homo, et cum multiplicata fuerit gloria domus ejus :
18 quoniam, cum interierit, non sumet omnia, neque descendet cum eo gloria ejus.
19 Quia anima ejus in vita ipsius benedicetur ; confitebitur tibi cum benefeceris ei.
20 Introibit usque in progenies patrum suorum ; et usque in æternum non videbit lumen.
21 Homo, cum in honore esset, non intellexit. Comparatus est jumentis insipientibus, et similis factus est illis.