Psalmi 25

VULGATA	NOVA VULGATA
1 In finem. Psalmus David. Judica me, Domine, quoniam ego in innocentia mea ingressus sum, et in Domino sperans non infirmabor.	1 David. ALEPH. Ad te, Domine, levavi animam meam,
2 Proba me, Domine, et tenta me ; ure renes meos et cor meum.	2 BETH. Deus meus, in te confido; non erubescam. Neque exsultent super me inimici mei,
3 Quoniam misericordia tua ante oculos meos est, et complacui in veritate tua.	3 GHIMEL. etenim universi, qui sustinent te, non confundentur. Confundantur infideliter agentes propter vanitatem.
4 Non sedi cum concilio vanitatis, et cum iniqua gerentibus non introibo.	4 DALETH. Vias tuas, Domine, demonstra mihi et semitas tuas edoce me.
5 Odivi ecclesiam malignantium, et cum impiis non sedebo.	5 HE. Dirige me in veritate tua et doce me, quia tu es Deus salutis meae, VAU. et te sustinui tota die.
6 Lavabo inter innocentes manus meas, et circumdabo altare tuum, Domine :	6 ZAIN. Reminiscere miserationum tuarum, Domine, et misericordiarum tuarum, quoniam a saeculo sunt.
7 ut audiam vocem laudis, et enarrem universa mirabilia tua.	7 HETH. Peccata iuventutis meae et delicta mea ne memineris; secundum misericordiam tuam memento mei tu, propter bonitatem tuam, Domine.
8 Domine, dilexi decorem domus tuæ, et locum habitationis gloriæ tuæ.	8 TETH. Dulcis et rectus Dominus, propter hoc peccatores viam docebit;
9 Ne perdas cum impiis, Deus, animam meam, et cum viris sanguinum vitam meam :	9 IOD. diriget mansuetos in iudicio, docebit mites vias suas.
10 in quorum manibus iniquitates sunt ; dextera eorum repleta est muneribus.	10 CAPH. Universae viae Domini misericordia et veritas custodientibus testamentum eius et testimonia eius.
11 Ego autem in innocentia mea ingressus sum ; redime me, et miserere mei.	11 LAMED. Propter nomen tuum, Domine, propitiaberis peccato meo: multum est enim.
12 Pes meus stetit in directo ; in ecclesiis benedicam te, Domine.	12 MEM. Quis est homo, qui timet Dominum? Docebit eum viam, quam eligat.
	13 NUN. Anima eius in bonis demorabitur, et semen eius hereditabit terram.
	14 SAMECH. Familiariter aget Dominus cum timentibus eum, ut testamentum suum manifestet illis.
	15 AIN. Oculi mei semper ad Dominum, quoniam ipse evellet de laqueo pedes meos.
	16 PHE. Respice in me et miserere mei, quia unicus et pauper sum ego.
	17 SADE. Dilata angustias cordis mei et de necessitatibus meis erue me.
	18 Vide humilitatem meam et laborem meum et dimitte universa delicta mea.
	19 RES. Respice inimicos meos, quoniam multiplicati sunt et odio crudeli oderunt me.
	20 SIN. Custodi animam meam et erue me; non erubescam, quoniam speravi in te.
	21 TAU. Innocentia et aequitas custodiant me, quia sustinui te.
	22 PHE. Libera, Deus, Israel ex omnibus tribulationibus suis.