Psalmi 32

VULGATA	NOVA VULGATA
1 Psalmus David. Exsultate, justi, in Domino ; rectos decet collaudatio.	1 David. Maskil. Beatus, cui remissa est iniquitas, et obtectum est peccatum.
2 Confitemini Domino in cithara ; in psalterio decem chordarum psallite illi.	2 Beatus vir, cui non imputavit Dominus delictum, nec est in spiritu eius dolus.
3 Cantate ei canticum novum ; bene psallite ei in vociferatione.	3 Quoniam tacui, inveteraverunt ossa mea, dum rugirem tota die.
4 Quia rectum est verbum Domini, et omnia opera ejus in fide.	4 Quoniam die ac nocte gravata est super me manus tua, immutatus est vigor meus in ardoribus aestatis.
5 Diligit misericordiam et judicium ; misericordia Domini plena est terra.	5 Peccatum meum cognitum tibi feci et delictum meum non abscondi. Dixi: “ Confitebor adversum me iniquitatem meam Domino ”. Et tu remisisti impietatem peccati mei.
6 Verbo Domini cæli firmati sunt, et spiritu oris ejus omnis virtus eorum.	6 Propter hoc orabit ad te omnis sanctus in tempore opportuno. Et in diluvio aquarum multarum ad eum non approximabunt.
7 Congregans sicut in utre aquas maris ; ponens in thesauris abyssos.	7 Tu es refugium meum, a tribulatione conservabis me; exsultationibus salutis circumdabis me.
8 Timeat Dominum omnis terra ; ab eo autem commoveantur omnes inhabitantes orbem.	8 Intellectum tibi dabo et instruam te in via, qua gradieris; firmabo super te oculos meos.
9 Quoniam ipse dixit, et facta sunt ; ipse mandavit et creata sunt.	9 Nolite fieri sicut equus et mulus, quibus non est intellectus; in camo et freno si accedis ad constringendum, non approximant ad te.
10 Dominus dissipat consilia gentium ; reprobat autem cogitationes populorum, et reprobat consilia principum.	10 Multi dolores impii, sperantem autem in Domino misericordia circumdabit.
11 Consilium autem Domini in æternum manet ; cogitationes cordis ejus in generatione et generationem.	11 Laetamini in Domino et exsultate, iusti; et gloriamini, omnes recti corde.
12 Beata gens cujus est Dominus Deus ejus ; populus quem elegit in hæreditatem sibi.
13 De cælo respexit Dominus ; vidit omnes filios hominum.
14 De præparato habitaculo suo respexit super omnes qui habitant terram :
15 qui finxit sigillatim corda eorum ; qui intelligit omnia opera eorum.
16 Non salvatur rex per multam virtutem, et gigas non salvabitur in multitudine virtutis suæ.
17 Fallax equus ad salutem ; in abundantia autem virtutis suæ non salvabitur.
18 Ecce oculi Domini super metuentes eum, et in eis qui sperant super misericordia ejus :
19 ut eruat a morte animas eorum, et alat eos in fame.
20 Anima nostra sustinet Dominum, quoniam adjutor et protector noster est.
21 Quia in eo lætabitur cor nostrum, et in nomine sancto ejus speravimus.
22 Fiat misericordia tua, Domine, super nos, quemadmodum speravimus in te.