Giobbe 6

NOVA VULGATA	VULGATA
1 Respondens autem Iob dixit:	1 Respondens autem Job, dixit :
2 “ Utinam appenderetur aegritu do mea, et calamitatem meam assumerent in statera!	2 Utinam appenderentur peccata mea quibus iram merui, et calamitas quam patior, in statera !
3 Nunc vero arena maris haec gravior apparet, inde verbis meis haesito.	3 Quasi arena maris hæc gravior appareret ; unde et verba mea dolore sunt plena :
4 Quia sagittae Omnipotentis in me sunt, quarum venenum ebibit spiritus meus; et terrores Dei militant contra me.	4 quia sagittæ Domini in me sunt, quarum indignatio ebibit spiritum meum ; et terrores Domini militant contra me.
5 Numquid rugiet onager, cum habueritherbam? Aut mugiet bos, cum ante praesepe plenum steterit?	5 Numquid rugiet onager cum habuerit herbam ? aut mugiet bos cum ante præsepe plenum steterit ?
6 Aut poterit comedi insulsum, quod non est sale conditum? Aut poterit gustari herba insulsa?	6 aut poterit comedi insulsum, quod non est sale conditum ? aut potest aliquis gustare quod gustatum affert mortem ?
7 Quae prius nolebat tangere anima mea, nunc prae angustia cibi mei sunt.	7 Quæ prius nolebat tangere anima mea, nunc, præ angustia, cibi mei sunt.
8 Quis det, ut veniat petitio mea, et, quod exspecto, tribuat mihi Deus?	8 Quis det ut veniat petitio mea, et quod expecto tribuat mihi Deus ?
9 Utinam Deus me conterat; solvat manum suam et succidat me!	9 et qui cœpit, ipse me conterat ; solvat manum suam, et succidat me ?
10 Et haec mihi sit consolatio, et exsultabo vel in pavore, qui non parcat, nec celabo sermones Sancti.	10 Et hæc mihi sit consolatio, ut affligens me dolore, non parcat, nec contradicam sermonibus Sancti.
11 Quae est enim fortitudo mea, ut sustineam? Aut quis finis meus, ut patienter agam?	11 Quæ est enim fortitudo mea, ut sustineam ? aut quis finis meus, ut patienter agam ?
12 Num fortitudo lapidum, fortitudo mea? Num caro mea aenea est?	12 Nec fortitudo lapidum fortitudo mea, nec caro mea ænea est.
13 An non est auxilium mihi in me, et virtus quoque remota est a me?	13 Ecce non est auxilium mihi in me, et necessarii quoque mei recesserunt a me.
14 Qui tollit ab amico suo misericordiam, timorem Omnipotentis derelinquit.	14 Qui tollit ab amico suo misericordiam, timorem Domini derelinquit.
15 Fratres mei mentiti sunt me sicut alveus torrentium, qui evanescunt	15 Fratres mei præterierunt me, sicut torrens qui raptim transit in convallibus.
16 nigrescentes glacie, cum ingruit super eos nix.	16 Qui timent pruinam, irruet super eos nix.
17 Tempore, quo diffluunt, arescunt et, ut incaluerit, solvuntur de loco suo.	17 Tempore quo fuerint dissipati, peribunt ; et ut incaluerit, solventur de loco suo.
18 Deflectunt viatorum turmae de viis suis, ascendentes per desertum pereunt.	18 Involutæ sunt semitæ gressuum eorum ; ambulabunt in vacuum, et peribunt.
19 Commeatus Thema consideraverunt, viatores Saba speraverunt in eis.	19 Considerate semitas Thema, itinera Saba, et expectate paulisper.
20 Confusi sunt, quia speraverunt; venerunt eo usque, et pudore cooperti sunt.	20 Confusi sunt, quia speravi : venerunt quoque usque ad me, et pudore cooperti sunt.
21 Ita nunc vos facti estis mihi; videntes plagam meam, timetis.	21 Nunc venistis ; et modo videntes plagam meam, timetis.
22 Numquid dixi: Afferte mihi et de substantia vestra donate mihi?	22 Numquid dixi : Afferte mihi, et de substantia vestra donate mihi ?
23 vel: Liberate me de manu hostis et de manu robustorum eruite me?	23 vel : Liberate me de manu hostis, et de manu robustorum eruite me ?
24 Docete me, et ego tacebo, et, si quid forte ignoravi, instruite me.	24 Docete me, et ego tacebo : et si quid forte ignoravi, instruite me.
25 Quare detraxistis sermonibus veritatis, cum e vobis nullus sit, qui possit arguere me?	25 Quare detraxistis sermonibus veritatis, cum e vobis nullus sit qui possit arguere me ?
26 Ad increpandum tantum eloquia concinnatis, sed in ventum verba desperati.	26 Ad increpandum tantum eloquia concinnatis, et in ventum verba profertis.
27 Super pupillum irruitis et subvertere nitimini amicum vestrum.	27 Super pupillum irruitis, et subvertere nitimini amicum vestrum.
28 Nunc, quaeso, convertimini ad me, et in faciem vestram non mentiar.	28 Verumtamen quod cœpistis explete : præbete aurem, et videte an mentiar.
29 Revertite! Nulla erit improbitas. Revertite! Adhuc praesens adest iustitia mea.	29 Respondete, obsecro, absque contentione ; et loquentes id quod justum est, judicate.
30 Estne in lingua mea improbitas? An palatum meum non discernit nequitiam?	30 Et non invenietis in lingua mea iniquitatem, nec in faucibus meis stultitia personabit.