Scrutatio

Domenica, 28 aprile 2024 - San Luigi Maria Grignion da Montfort ( Letture di oggi)

Giobbe 18

font
NOVA VULGATAVULGATA
1 Respondens autem Baldad Suhites dixit:
1 Respondens autem Baldad Suhites, dixit :
2 “ Usque ad quem finem verba iactabitis?
Intellegite prius, et sic loquamur.
2 Usque ad quem finem verba jactabitis ?
intelligite prius, et sic loquamur.
3 Quare reputati sumus ut iumenta
et sorduimus coram vobis?
3 Quare reputati sumus ut jumenta,
et sorduimus coram vobis ?
4 Qui perdis animam tuam in furore tuo,
numquid propter te derelinquetur terra,
et transferentur rupes de loco suo?
4 Qui perdis animam tuam in furore tuo,
numquid propter te derelinquetur terra,
et transferentur rupes de loco suo ?
5 Etenim lux impii exstinguetur,
nec splendebit flamma ignis eius.
5 Nonne lux impii extinguetur,
nec splendebit flamma ignis ejus ?
6 Lux obtenebrescet in tabernaculo illius,
et lucerna, quae super eum est, exstinguetur.
6 Lux obtenebrescet in tabernaculo illius,
et lucerna quæ super eum est extinguetur.
7 Arctabuntur gressus virtutis eius,
et praecipitabit eum consilium suum.
7 Arctabuntur gressus virtutis ejus,
et præcipitabit eum consilium suum.
8 Immissi sunt in rete pedes eius,
et in reticulo ambulat.
8 Immisit enim in rete pedes suos,
et in maculis ejus ambulat.
9 Tenet plantam illius laqueus,
et firmatur super eum tendiculum.
9 Tenebitur planta illius laqueo,
et exardescet contra eum sitis.
10 Abscondita est in terra pedica eius,
et decipula illius super semitam.
10 Abscondita est in terra pedica ejus,
et decipula illius super semitam.
11 Undique terrent eum formidines
et involvunt pedes eius.
11 Undique terrebunt eum formidines,
et involvent pedes ejus.
12 Attenuatur fame robur eius,
et pernicies parata costis illius.
12 Attenuetur fame robur ejus,
et inedia invadat costas illius.
13 Devorat partes cutis eius,
consumat membra illius primogenitus mortis.
13 Devoret pulchritudinem cutis ejus ;
consumat brachia illius primogenita mors.
14 Avellitur de tabernaculo suo fiducia eius,
et urges eum ad regem formidinum.
14 Avellatur de tabernaculo suo fiducia ejus,
et calcet super eum, quasi rex, interitus.
15 Habitas in tabernaculo, quod iam non est ei;
aspergitur in habitatione eius sulphur.
15 Habitent in tabernaculo illius socii ejus qui non est ;
aspergatur in tabernaculo ejus sulphur.
16 Deorsum radices eius siccantur,
sursum autem atteruntur rami eius.
16 Deorsum radices ejus siccentur :
sursum autem atteratur messis ejus.
17 Memoria illius periit de terra,
et non celebrabitur nomen eius in plateis.
17 Memoria illius pereat de terra,
et non celebretur nomen ejus in plateis.
18 Expellent eum de luce in tenebras
et de orbe transferent eum.
18 Expellet eum de luce in tenebras,
et de orbe transferet eum.
19 Non erit semen eius neque progenies in populo suo,
nec ullae reliquiae in commoratione eius.
19 Non erit semen ejus, neque progenies in populo suo,
nec ullæ reliquiæ in regionibus ejus.
20 In die eius stupebunt novissimi,
et primos invadet horror.
20 In die ejus stupebunt novissimi,
et primos invadet horror.
21 Haec sunt ergo tabernacula iniqui;
et iste locus eius, qui ignorat Deum ”.
21 Hæc sunt ergo tabernacula iniqui,
et iste locus ejus qui ignorat Deum.