Giobbe 16
Confronta con un'altra Bibbia
Cambia Bibbia
NOVA VULGATA | VULGATA |
---|---|
1 Respondens autem Iob dixit: | 1 Respondens autem Job, dixit : |
2 “ Audivi frequenter talia! onsolatores molesti omnes vos estis. | 2 Audivi frequenter talia : consolatores onerosi omnes vos estis. |
3 Numquid habebunt finem verba ventosa, aut quid te exacerbat, ut respondeas? | 3 Numquid habebunt finem verba ventosa ? aut aliquid tibi molestum est, si loquaris ? |
4 Poteram et ego similia vestri loqui, si esset anima vestra pro anima mea! Concinnarem super vos sermones et moverem caput meum super vos. | 4 Poteram et ego similia vestri loqui, atque utinam esset anima vestra pro anima mea : |
5 Roborarem vos ore meo et motum labiorum meorum non cohiberem. | 5 consolarer et ego vos sermonibus, et moverem caput meum super vos ; |
6 Si locutus fuero, non quiescet dolor meus et, si tacuero, non recedet a me; | 6 roborarem vos ore meo, et moverem labia mea, quasi parcens vobis. |
7 nunc autem defatigavit me dolor meus, et tu vastasti omnem coetum meum. | 7 Sed quid agam ? Si locutus fuero, non quiescet dolor meus, et si tacuero, non recedet a me. |
8 Rugae meae testimonium dicunt contra me; et suscitatur falsiloquus adversus faciem meam contradicens mihi, | 8 Nunc autem oppressit me dolor meus, et in nihilum redacti sunt omnes artus mei. |
9 Ira eius discerpsit me et adversata est mihi, et infremuit contra me dentibus suis. Hostis meus acuit oculos suos in me. | 9 Rugæ meæ testimonium dicunt contra me, et suscitatur falsiloquus adversus faciem meam, contradicens mihi. |
10 Aperuerunt super me ora sua et exprobrantes percusserunt maxillam meam, simul conferti contra me. | 10 Collegit furorem suum in me, et comminans mihi, infremuit contra me dentibus suis : hostis meus terribilibus oculis me intuitus est. |
11 Concludit me Deus apud iniquum et manibus impiorum me tradit. | 11 Aperuerunt super me ora sua, et exprobrantes percusserunt maxillam meam : satiati sunt pœnis meis. |
12 Ego, ille quondam tranquillus, repente contritus sum. Tenuit cervicem meam, confregit me et posuit me sibi quasi in signum. | 12 Conclusit me Deus apud iniquum, et manibus impiorum me tradidit. |
13 Circumdedit me lanceis suis, scidit lumbos meos, non pepercit et effudit in terra iecur meum. | 13 Ego ille quondam opulentus, repente contritus sum : tenuit cervicem meam, confregit me, et posuit me sibi quasi in signum. |
14 Dirupit me rumpens et diruens, irruit in me quasi gigas. | 14 Circumdedit me lanceis suis ; convulneravit lumbos meos : non pepercit, et effudit in terra viscera mea. |
15 Saccum consui super cutem meam et dimisi in terram cornu meum. | 15 Concidit me vulnere super vulnus : irruit in me quasi gigas. |
16 Facies mea rubuit a fletu, et palpebrae meae caligaverunt; | 16 Saccum consui super cutem meam, et operui cinere carnem meam. |
17 attamen absque iniquitate manus meae, cum haberem mundas preces. | 17 Facies mea intumuit a fletu, et palpebræ meæ caligaverunt. |
18 Terra, ne operias sanguinem meum, neque inveniat in te locum latendi clamor meus. | 18 Hæc passus sum absque iniquitate manus meæ, cum haberem mundas ad Deum preces. |
19 Ecce enim in caelo testis meus, et conscius meus in excelsis. | 19 Terra, ne operias sanguinem meum, neque inveniat in te locum latendi clamor meus : |
20 Interpretes mei sunt cogitationes meae: ad Deum stillat oculus meus. | 20 ecce enim in cælo testis meus, et conscius meus in excelsis. |
21 Atque utinam sic iudicaretur vir cum Deo, sicut iudicatur filius hominis cum collega suo. | 21 Verbosi amici mei : ad Deum stillat oculus meus : |
22 Ecce enim breves anni transeunt, et semitam, per quam non revertar, ambulo. | 22 atque utinam sic judicaretur vir cum Deo, quomodo judicatur filius hominis cum collega suo. |
23 Ecce enim breves anni transeunt, et semitam per quam non revertar ambulo. |