Psalmi 51

VULGATA	NOVA VULGATA
1 In finem. Intellectus David,	1 Magistro chori. Psalmus. David,
2 cum venit Doëg Idumæus, et nuntiavit Sauli : Venit David in domum Achimelech.	2 cum venit ad eum Nathan propheta, postquam cum Bethsabee peccavit.
3 Quid gloriaris in malitia, qui potens es in iniquitate ?	3 Miserere mei, Deus, secundum misericordiam tuam; et secundum multitudinem miserationum tuarum dele iniquitatem meam.
4 Tota die injustitiam cogitavit lingua tua ; sicut novacula acuta fecisti dolum.	4 Amplius lava me ab iniquitate mea et a peccato meo munda me.
5 Dilexisti malitiam super benignitatem ; iniquitatem magis quam loqui æquitatem.	5 Quoniam iniquitatem meam ego cognosco, et peccatum meum contra me est semper.
6 Dilexisti omnia verba præcipitationis ; lingua dolosa.	6 Tibi, tibi soli peccavi et malum coram te feci, ut iustus inveniaris in sententia tua et aequus in iudicio tuo.
7 Propterea Deus destruet te in finem ; evellet te, et emigrabit te de tabernaculo tuo, et radicem tuam de terra viventium.	7 Ecce enim in iniquitate generatus sum, et in peccato concepit me mater mea.
8 Videbunt justi, et timebunt ; et super eum ridebunt, et dicent :	8 Ecce enim veritatem in corde dilexisti et in occulto sapientiam manifestasti mihi.
9 Ecce homo qui non posuit Deum adjutorem suum ; sed speravit in multitudine divitiarum suarum, et prævaluit in vanitate sua.	9 Asperges me hyssopo, et mundabor; lavabis me, et super nivem dealbabor.
10 Ego autem, sicut oliva fructifera in domo Dei ; speravi in misericordia Dei, in æternum et in sæculum sæculi.	10 Audire me facies gaudium et laetitiam, et exsultabunt ossa, quae contrivisti.
11 Confitebor tibi in sæculum, quia fecisti ; et exspectabo nomen tuum, quoniam bonum est in conspectu sanctorum tuorum.	11 Averte faciem tuam a peccatis meis et omnes iniquitates meas dele.
	12 Cor mundum crea in me, Deus, et spiritum firmum innova in visceribus meis.
	13 Ne proicias me a facie tua et spiritum sanctum tuum ne auferas a me.
	14 Redde mihi laetitiam salutaris tui et spiritu promptissimo confirma me.
	15 Docebo iniquos vias tuas, et impii ad te convertentur.
	16 Libera me de sanguinibus, Deus, Deus salutis meae, et exsultabit lingua mea iustitiam tuam.
	17 Domine, labia mea aperies, et os meum annuntiabit laudem tuam.
	18 Non enim sacrificio delectaris; holocaustum, si offeram, non placebit.
	19 Sacrificium Deo spiritus contribulatus; cor contritum et humiliatum, Deus, non despicies.
	20 Benigne fac, Domine, in bona voluntate tua Sion, ut aedificentur muri Ierusalem.
	21 Tunc acceptabis sacrificium iustitiae, oblationes et holocausta; tunc imponent super altare tuum vitulos.