Psalmi 45

VULGATA	NOVA VULGATA
1 In finem, filiis Core, pro arcanis. Psalmus.	1 Magistro chori. Secundum " Lilia... ". Filiorum Core. Maskil. Canticum amoris.
2 Deus noster refugium et virtus ; adjutor in tribulationibus quæ invenerunt nos nimis.	2 Eructavit cor meum verbum bonum, dico ego opera mea regi. Lingua mea calamus scribae velociter scribentis.
3 Propterea non timebimus dum turbabitur terra, et transferentur montes in cor maris.	3 Speciosus forma es prae filiis hominum, diffusa est gratia in labiis tuis, propterea benedixit te Deus in aeternum.
4 Sonuerunt, et turbatæ sunt aquæ eorum ; conturbati sunt montes in fortitudine ejus.	4 Accingere gladio tuo super femur tuum, potentissime, magnificentia tua et ornatu tuo.
5 Fluminis impetus lætificat civitatem Dei : sanctificavit tabernaculum suum Altissimus.	5 Et ornatu tuo procede, currum ascende propter veritatem et mansuetudinem et iustitiam. Et doceat te mirabilia dextera tua:
6 Deus in medio ejus, non commovebitur ; adjuvabit eam Deus mane diluculo.	6 sagittae tuae acutae - populi sub te cadent - in corda inimicorum regis.
7 Conturbatæ sunt gentes, et inclinata sunt regna : dedit vocem suam, mota est terra.	7 Sedes tua, Deus, in saeculum saeculi; sceptrum aequitatis sceptrum regni tui.
8 Dominus virtutum nobiscum ; susceptor noster Deus Jacob.	8 Dilexisti iustitiam et odisti iniquitatem, propterea unxit te Deus, Deus tuus, oleo laetitiae prae consortibus tuis.
9 Venite, et videte opera Domini, quæ posuit prodigia super terram,	9 Myrrha et aloe et casia omnia vestimenta tua; e domibus eburneis chordae delectant te.
10 auferens bella usque ad finem terræ. Arcum conteret, et confringet arma, et scuta comburet igni.	10 Filiae regum in pretiosis tuis; astitit regina a dextris tuis ornata auro ex Ophir. -
11 Vacate, et videte quoniam ego sum Deus ; exaltabor in gentibus, et exaltabor in terra.	11 Audi, filia, et vide et inclina aurem tuam et obliviscere populum tuum et domum patris tui;
12 Dominus virtutum nobiscum ; susceptor noster Deus Jacob.	12 et concupiscet rex speciem tuam. Quoniam ipse est dominus tuus, et adora eum.
	13 Filia Tyri cum muneribus; vultum tuum deprecabuntur divites plebis.
	14 Gloriosa nimis filia regis intrinsecus, texturis aureis circumamicta.
	15 In vestibus variegatis adducetur regi; virgines post eam, proximae eius, afferuntur tibi.
	16 Afferuntur in laetitia et exsultatione, adducuntur in domum regis.
	17 Pro patribus tuis erunt tibi filii; constitues eos principes super omnem terram.
	18 Memor ero nominis tui in omni generatione et generatione; propterea populi confitebuntur tibi in aeternum et in saeculum saeculi.