Psalmi 21

VULGATA	MODERN HEBREW BIBLE
1 In finem, pro susceptione matutina. Psalmus David.	1 למנצח מזמור לדוד יהוה בעזך ישמח מלך ובישועתך מה יגיל מאד
2 Deus, Deus meus, respice in me : quare me dereliquisti ? longe a salute mea verba delictorum meorum.	2 תאות לבו נתתה לו וארשת שפתיו בל מנעת סלה
3 Deus meus, clamabo per diem, et non exaudies ; et nocte, et non ad insipientiam mihi.	3 כי תקדמנו ברכות טוב תשית לראשו עטרת פז
4 Tu autem in sancto habitas, laus Israël.	4 חיים שאל ממך נתתה לו ארך ימים עולם ועד
5 In te speraverunt patres nostri ; speraverunt, et liberasti eos.	5 גדול כבודו בישועתך הוד והדר תשוה עליו
6 Ad te clamaverunt, et salvi facti sunt ; in te speraverunt, et non sunt confusi.	6 כי תשיתהו ברכות לעד תחדהו בשמחה את פניך
7 Ego autem sum vermis, et non homo ; opprobrium hominum, et abjectio plebis.	7 כי המלך בטח ביהוה ובחסד עליון בל ימוט
8 Omnes videntes me deriserunt me ; locuti sunt labiis, et moverunt caput.	8 תמצא ידך לכל איביך ימינך תמצא שנאיך
9 Speravit in Domino, eripiat eum : salvum faciat eum, quoniam vult eum.	9 תשיתמו כתנור אש לעת פניך יהוה באפו יבלעם ותאכלם אש
10 Quoniam tu es qui extraxisti me de ventre, spes mea ab uberibus matris meæ.	10 פרימו מארץ תאבד וזרעם מבני אדם
11 In te projectus sum ex utero ; de ventre matris meæ Deus meus es tu :	11 כי נטו עליך רעה חשבו מזמה בל יוכלו
12 ne discesseris a me, quoniam tribulatio proxima est, quoniam non est qui adjuvet.	12 כי תשיתמו שכם במיתריך תכונן על פניהם
13 Circumdederunt me vituli multi ; tauri pingues obsederunt me.	13 רומה יהוה בעזך נשירה ונזמרה גבורתך
14 Aperuerunt super me os suum, sicut leo rapiens et rugiens.
15 Sicut aqua effusus sum, et dispersa sunt omnia ossa mea : factum est cor meum tamquam cera liquescens in medio ventris mei.
16 Aruit tamquam testa virtus mea, et lingua mea adhæsit faucibus meis : et in pulverem mortis deduxisti me.
17 Quoniam circumdederunt me canes multi ; concilium malignantium obsedit me. Foderunt manus meas et pedes meos ;
18 dinumeraverunt omnia ossa mea. Ipsi vero consideraverunt et inspexerunt me.
19 Diviserunt sibi vestimenta mea, et super vestem meam miserunt sortem.
20 Tu autem, Domine, ne elongaveris auxilium tuum a me ; ad defensionem meam conspice.
21 Erue a framea, Deus, animam meam, et de manu canis unicam meam.
22 Salva me ex ore leonis, et a cornibus unicornium humilitatem meam.
23 Narrabo nomen tuum fratribus meis ; in medio ecclesiæ laudabo te.
24 Qui timetis Dominum, laudate eum ; universum semen Jacob, glorificate eum.
25 Timeat eum omne semen Israël, quoniam non sprevit, neque despexit deprecationem pauperis, nec avertit faciem suam a me : et cum clamarem ad eum, exaudivit me.
26 Apud te laus mea in ecclesia magna ; vota mea reddam in conspectu timentium eum.
27 Edent pauperes, et saturabuntur, et laudabunt Dominum qui requirunt eum : vivent corda eorum in sæculum sæculi.
28 Reminiscentur et convertentur ad Dominum universi fines terræ ; et adorabunt in conspectu ejus universæ familiæ gentium :
29 quoniam Domini est regnum, et ipse dominabitur gentium.
30 Manducaverunt et adoraverunt omnes pingues terræ ; in conspectu ejus cadent omnes qui descendunt in terram.
31 Et anima mea illi vivet ; et semen meum serviet ipsi.
32 Annuntiabitur Domino generatio ventura ; et annuntiabunt cæli justitiam ejus populo qui nascetur, quem fecit Dominus.