Giobbe 37
Confronta con un'altra Bibbia
Cambia Bibbia
NOVA VULGATA | VULGATA |
---|---|
1 Super hoc expavit cor meum et emotum est de loco suo. | 1 Super hoc expavit cor meum, et emotum est de loco suo. |
2 Audite fremitum vocis eius et murmur de ore illius procedens. | 2 Audite auditionem in terrore vocis ejus, et sonum de ore illius procedentem. |
3 Subter omnes caelos ipsum revolvit, et lumen illius super terminos terrae. | 3 Subter omnes cælos ipse considerat, et lumen illius super terminos terræ. |
4 Post eum rugiet sonitus, tonabit voce magnitudinis suae; et non retardabit, cum audita fuerit vox eius. | 4 Post eum rugiet sonitus ; tonabit voce magnitudinis suæ : et non investigabitur, cum audita fuerit vox ejus. |
5 Tonabit Deus in voce sua mirabiliter, qui facit magna et inscrutabilia. | 5 Tonabit Deus in voce sua mirabiliter, qui facit magna et inscrutabilia ; |
6 Qui praecipit nivi, ut descendat in terram, et hiemis pluviis et imbri, ut roborentur. | 6 qui præcipit nivi ut descendat in terram, et hiemis pluviis, et imbri fortitudinis suæ ; |
7 Qui in manu omnium hominum signat, ut noverint singuli opera sua. | 7 qui in manu omnium hominum signat, ut noverint singuli opera sua. |
8 Ingredietur bestia latibulum et in antro suo morabitur. | 8 Ingredietur bestia latibulum, et in antro suo morabitur. |
9 Ab interioribus egredietur tempestas, et ab Arcturo frigus. | 9 Ab interioribus egredietur tempestas, et ab Arcturo frigus. |
10 Flante Deo, datur gelu, et expansio aquarum solidatur. | 10 Flante Deo, concrescit gelu, et rursum latissimæ funduntur aquæ. |
11 Fulgur proicitur a nube, et nubes spargunt lumen suum; | 11 Frumentum desiderat nubes, et nubes spargunt lumen suum. |
12 quae lustrant per circuitum, quocumque eas voluntas gubernantis duxerit, ad omne, quod praeceperit illis super faciem orbis terrarum, | 12 Quæ lustrant per circuitum, quocumque eas voluntas gubernantis duxerit, ad omne quod præceperit illis super faciem orbis terrarum : |
13 sive in castigatione terrae suae, sive in misericordia eas iusserit inveniri. | 13 sive in una tribu, sive in terra sua, sive in quocumque loco misericordiæ suæ eas jusserit inveniri. |
14 Ausculta haec, Iob; sta et considera mirabilia Dei. | 14 Ausculta hæc, Job : sta, et considera mirabilia Dei. |
15 Numquid scis quando praeceperit Deus, ut ostenderent lucem nubes eius? | 15 Numquid scis quando præceperit Deus pluviis, ut ostenderent lucem nubium ejus ? |
16 Numquid nosti semitas nubium magnas et mirabilia perfecti scientia? | 16 Numquid nosti semitas nubium magnas, et perfectas scientias ? |
17 Nonne vestimenta tua calida sunt, cum quieverit terra austro? | 17 Nonne vestimenta tua calida sunt, cum perflata fuerit terra austro ? |
18 Tu forsitan cum eo expandisti caelos, qui solidissimi, quasi aere, fusi sunt? | 18 Tu forsitan cum eo fabricatus es cælos, qui solidissimi quasi ære fusi sunt. |
19 Ostende nobis quid dicamus illi; nos disponere verba nescimus propter tenebras. | 19 Ostende nobis quid dicamus illi : nos quippe involvimur tenebris. |
20 Quis narrabit ei, quae loquor? Et, si locutus fuerit, homo deglutietur. | 20 Quis narrabit ei quæ loquor ? etiam si locutus fuerit homo, devorabitur. |
21 At nunc non vident lucem: aer offuscatus est nubibus, sed ventus transiens fugabit eas. | 21 At nunc non vident lucem : subito aër cogetur in nubes, et ventus transiens fugabit eas. |
22 Ab aquilone splendor auri venit; et circa Deum terribilis maiestas. | 22 Ab aquilone aurum venit, et ad Deum formidolosa laudatio. |
23 Omnipotentem attingere non possumus: magnus fortitudine; et iudicium et multam iustitiam deprimere non potest. | 23 Digne eum invenire non possumus : magnus fortitudine, et judicio, et justitia : et enarrari non potest. |
24 Ideo timebunt eum homines, non contemplabitur omnes, qui sibi videntur corde sapientes ”. | 24 Ideo timebunt eum viri, et non audebunt contemplari omnes qui sibi videntur esse sapientes. |