Giobbe 14
Confronta con un'altra Bibbia
Cambia Bibbia
NOVA VULGATA | VULGATA |
---|---|
1 Homo natus de muliere, brevi vivens tempore, commotione satiatur. | 1 Homo natus de muliere, brevi vivens tempore, repletur multis miseriis. |
2 Qui quasi flos egreditur et arescit et fugit velut umbra et non permanet. | 2 Qui quasi flos egreditur et conteritur, et fugit velut umbra, et numquam in eodem statu permanet. |
3 Et dignum ducis super huiuscemodi aperire oculos tuos et adducere eum tecum in iudicium? | 3 Et dignum ducis super hujuscemodi aperire oculos tuos, et adducere eum tecum in judicium ? |
4 Quis potest facere mundum de immundo? Ne unus quidem! | 4 Quis potest facere mundum de immundo conceptum semine ? nonne tu qui solus es ? |
5 Si statuti dies hominis sunt, et numerus mensium eius apud te est, et constituti sunt termini eius, quos non praeteribit, | 5 Breves dies hominis sunt : numerus mensium ejus apud te est : constituisti terminos ejus, qui præteriri non poterunt. |
6 averte oculos tuos ab eo, ut quiescat, donec solvat, sicut mercennarius, dies suos. | 6 Recede paululum ab eo, ut quiescat, donec optata veniat, sicut mercenarii, dies ejus. |
7 Nam lignum habet spem; si praecisum fuerit, rursum virescet, et rami eius non deficient. | 7 Lignum habet spem : si præcisum fuerit, rursum virescit, et rami ejus pullulant. |
8 Si senuerit in terra radix eius, et in pulvere emortuus fuerit truncus illius, | 8 Si senuerit in terra radix ejus, et in pulvere emortuus fuerit truncus illius, |
9 ad odorem aquae germinabit et faciet comam quasi novellae. | 9 ad odorem aquæ germinabit, et faciet comam, quasi cum primum plantatum est. |
10 Homo vero cum mortuus fuerit et debilitatur, exspirat homo et, ubi, quaeso, est? | 10 Homo vero cum mortuus fuerit, et nudatus, atque consumptus, ubi, quæso, est ? |
11 Recedent aquae de mari, et fluvius vacuefactus arescet; | 11 Quomodo si recedant aquæ de mari, et fluvius vacuefactus arescat : |
12 sic homo, cum dormierit, non resurget: donec atteratur caelum, non evigilabit nec consurget de somno suo. | 12 sic homo, cum dormierit, non resurget : donec atteratur cælum, non evigilabit, nec consurget de somno suo. |
13 Quis mihi hoc tribuat, ut in inferno seponas me et abscondas me, donec pertranseat furor tuus, et constituas mihi tempus, in quo recorderis mei? | 13 Quis mihi hoc tribuat, ut in inferno protegas me, et abscondas me donec pertranseat furor tuus, et constituas mihi tempus in quo recorderis mei ? |
14 Putasne mortuus homo rursum vivat? Cunctis diebus, quibus nunc milito, exspectarem, donec veniat immutatio mea. | 14 Putasne mortuus homo rursum vivat ? cunctis diebus quibus nunc milito, expecto donec veniat immutatio mea. |
15 Vocares me, et ego responderem tibi; opus manuum tuarum requireres. | 15 Vocabis me, et ego respondebo tibi : operi manuum tuarum porriges dexteram. |
16 Tu quidem nunc gressus meos dinumerares, sed parceres peccatis meis. | 16 Tu quidem gressus meos dinumerasti : sed parce peccatis meis. |
17 Signares quasi in sacculo delicta mea, sed dealbares iniquitatem meam. | 17 Signasti quasi in sacculo delicta mea, sed curasti iniquitatem meam. |
18 Mons cadens decidit, et saxum transfertur de loco suo; | 18 Mons cadens defluit, et saxum transfertur de loco suo : |
19 lapides excavant aquae, et alluvione terra inundatur: et spem hominis perdes. | 19 lapides excavant aquæ, et alluvione paulatim terra consumitur : et hominem ergo similiter perdes. |
20 Praevales adversus eum, et in perpetuum transiet; immutas faciem eius et emittis eum. | 20 Roborasti eum paululum, ut in perpetuum transiret : immutabis faciem ejus, et emittes eum. |
21 Sive nobiles fuerint filii eius, non novit; sive ignobiles, non intellegit. | 21 Sive nobiles fuerint filii ejus, sive ignobiles, non intelliget. |
22 Attamen caro eius, dum vivet, dolet, et anima illius super semetipso luget ”. | 22 Attamen caro ejus, dum vivet, dolebit, et anima illius super semetipso lugebit. |