Psalmi 5

VULGATA	NOVA VULGATA
1 In finem, pro ea quæ hæreditatem consequitur. Psalmus David.	1 Magistro chori. Ad tibias. Psalmus. David.
2 Verba mea auribus percipe, Domine ; intellige clamorem meum.	2 Verba mea auribus percipe, Domine; intellege gemitum meum.
3 Intende voci orationis meæ, rex meus et Deus meus.	3 Intende voci clamoris mei, rex meus et Deus meus.
4 Quoniam ad te orabo, Domine : mane exaudies vocem meam.	4 Quoniam ad te orabo, Domine, mane exaudies vocem meam; mane astabo tibi et exspectabo.
5 Mane astabo tibi, et videbo quoniam non Deus volens iniquitatem tu es.	5 Quoniam non Deus volens iniquitatem tu es; neque habitabit iuxta te malignus,
6 Neque habitabit juxta te malignus, neque permanebunt injusti ante oculos tuos.	6 neque permanebunt iniusti ante oculos tuos.
7 Odisti omnes qui operantur iniquitatem ; perdes omnes qui loquuntur mendacium. Virum sanguinum et dolosum abominabitur Dominus.	7 Odisti omnes, qui operantur iniquitatem, perdes omnes, qui loquuntur mendacium; virum sanguinum et dolosum abominabitur Dominus.
8 Ego autem in multitudine misericordiæ tuæ introibo in domum tuam ; adorabo ad templum sanctum tuum in timore tuo.	8 Ego autem in multitudine misericordiae tuae introibo in domum tuam; adorabo ad templum sanctum tuum in timore tuo.
9 Domine, deduc me in justitia tua : propter inimicos meos dirige in conspectu tuo viam meam.	9 Domine, deduc me in iustitia tua propter inimicos meos, dirige in conspectu meo viam tuam.
10 Quoniam non est in ore eorum veritas ; cor eorum vanum est.	10 Quoniam non est in ore eorum veritas, cor eorum fovea; sepulcrum patens est guttur eorum, molliunt linguas suas.
11 Sepulchrum patens est guttur eorum ; linguis suis dolose agebant : judica illos, Deus. Decidant a cogitationibus suis ; secundum multitudinem impietatum eorum expelle eos, quoniam irritaverunt te, Domine.	11 Iudica illos, Deus; decidant a cogitationibus suis; secundum multitudinem impietatum eorum expelle eos, quoniam irritaverunt te, Domine.
12 Et lætentur omnes qui sperant in te ; in æternum exsultabunt, et habitabis in eis. Et gloriabuntur in te omnes qui diligunt nomen tuum,	12 Et omnes, qui sperant in te, laetentur, in aeternum exsultent. Obumbrabis eis, et gloriabuntur in te, qui diligunt nomen tuum;
13 quoniam tu benedices justo. Domine, ut scuto bonæ voluntatis tuæ coronasti nos.	13 quoniam tu benedices iusto, Domine, quasi scuto, bona voluntate coronabis eum.