Jó 32

¹ Omiserunt autem tres viri isti respondere Iob, eo quod iustus sibivideretur.

² Et iratus indignatusque est Eliu filius Barachel Buzites decognatione Ram; iratus est autem adversum Iob, eo quod iustum se esse diceretcoram Deo.

³ Porro adversum amicos eius indignatus est, eo quod non invenissentresponsionem, sed tantummodo condemnassent Iob.

⁴ Igitur Eliu exspectavit Iobloquentem, eo quod seniores essent, qui loquebantur;

⁵ cum autem vidisset Eliuquod tres respondere non potuissent, iratus est vehementer.

⁶ Respondensque Eliufilius Barachel Buzites dixit:
“ Iunior sum tempore,
vos autem antiquiores;
idcirco veritus sum et timui
vobis indicare meam sententiam.

⁷ Dixi: Aetas loquetur,
et annorum multitudo docebit sapientiam.

⁸ Sed, ut video, spiritus est in hominibus,
et inspiratio Omnipotentis dat intellegentiam.

⁹ Non sunt longaevi sapientes,
nec senes intellegunt iudicium.

¹⁰ Ideo dicam: Audite me,
ostendam vobis etiam ego meam sapientiam.

¹¹ Exspectavi enim sermones vestros,
intendi aurem in prudentiam vestram, donec investigaretis,

¹² et ut vos intellegerem nitebar.
Sed, ut video, non est qui possit arguere Iob
et respondere ex vobis sermonibus eius.

¹³ Ne forte dicatis: “Invenimus sapientiam;
Deus proiecit eum, non homo”.

¹⁴ Non parabo mihi verba,
et ego non secundum sermones vestros respondebo illi.

¹⁵ Extimuerunt nec responderunt ultra;
abstuleruntque a se eloquia.

¹⁶ Quoniam igitur exspectavi, et non sunt locuti,
steterunt, nec ultra responderunt,

¹⁷ respondebo et ego partem meam
et ostendam scientiam meam.

¹⁸ Plenus sum enim sermonibus,
et coarctat me spiritus pectoris mei;

¹⁹ en venter meus quasi mustum absque spiraculo,
quod lagunculas novas disrumpit.

²⁰ Loquar et respirabo paululum,
aperiam labia mea et respondebo.

²¹ Non accipiam personam viri
et nulli homini blandiar.

²² Nescio enim blandiri,
quia in brevi tolleret me Factor meus.