Giobbe 32
Confronta con un'altra Bibbia
Cambia Bibbia
NOVA VULGATA | VULGATA |
---|---|
1 Omiserunt autem tres viri isti respondere Iob, eo quod iustus sibivideretur. | 1 Omiserunt autem tres viri isti respondere Job, eo quod justus sibi videretur. |
2 Et iratus indignatusque est Eliu filius Barachel Buzites decognatione Ram; iratus est autem adversum Iob, eo quod iustum se esse diceretcoram Deo. | 2 Et iratus indignatusque est Eliu filius Barachel Buzites, de cognatione Ram : iratus est autem adversum Job, eo quod justum se esse diceret coram Deo. |
3 Porro adversum amicos eius indignatus est, eo quod non invenissentresponsionem, sed tantummodo condemnassent Iob. | 3 Porro adversum amicos ejus indignatus est, eo quod non invenissent responsionem rationabilem, sed tantummodo condemnassent Job. |
4 Igitur Eliu exspectavit Iobloquentem, eo quod seniores essent, qui loquebantur; | 4 Igitur Eliu expectavit Job loquentem, eo quod seniores essent qui loquebantur. |
5 cum autem vidisset Eliuquod tres respondere non potuissent, iratus est vehementer. | 5 Cum autem vidisset quod tres respondere non potuissent, iratus est vehementer. |
6 Respondensque Eliufilius Barachel Buzites dixit: “ Iunior sum tempore, vos autem antiquiores; idcirco veritus sum et timui vobis indicare meam sententiam. | 6 Respondensque Eliu filius Barachel Buzites, dixit : Junior sum tempore, vos autem antiquiores : idcirco, demisso capite, veritus sum vobis indicare meam sententiam. |
7 Dixi: Aetas loquetur, et annorum multitudo docebit sapientiam. | 7 Sperabam enim quod ætas prolixior loqueretur, et annorum multitudo doceret sapientiam. |
8 Sed, ut video, spiritus est in hominibus, et inspiratio Omnipotentis dat intellegentiam. | 8 Sed, ut video, spiritus est in hominibus, et inspiratio Omnipotentis dat intelligentiam. |
9 Non sunt longaevi sapientes, nec senes intellegunt iudicium. | 9 Non sunt longævi sapientes, nec senes intelligunt judicium. |
10 Ideo dicam: Audite me, ostendam vobis etiam ego meam sapientiam. | 10 Ideo dicam : Audite me : ostendam vobis etiam ego meam sapientiam. |
11 Exspectavi enim sermones vestros, intendi aurem in prudentiam vestram, donec investigaretis, | 11 Expectavi enim sermones vestros ; audivi prudentiam vestram, donec disceptaremini sermonibus ; |
12 et ut vos intellegerem nitebar. Sed, ut video, non est qui possit arguere Iob et respondere ex vobis sermonibus eius. | 12 et donec putabam vos aliquid dicere, considerabam : sed, ut video, non est qui possit arguere Job, et respondere ex vobis sermonibus ejus. |
13 Ne forte dicatis: “Invenimus sapientiam; Deus proiecit eum, non homo”. | 13 Ne forte dicatis : Invenimus sapientiam : Deus projecit eum, non homo. |
14 Non parabo mihi verba, et ego non secundum sermones vestros respondebo illi. | 14 Nihil locutus est mihi : et ego non secundum sermones vestros respondebo illi. |
15 Extimuerunt nec responderunt ultra; abstuleruntque a se eloquia. | 15 Extimuerunt, nec responderunt ultra, abstuleruntque a se eloquia. |
16 Quoniam igitur exspectavi, et non sunt locuti, steterunt, nec ultra responderunt, | 16 Quoniam igitur expectavi, et non sunt locuti : steterunt, nec ultra responderunt : |
17 respondebo et ego partem meam et ostendam scientiam meam. | 17 respondebo et ego partem meam, et ostendam scientiam meam. |
18 Plenus sum enim sermonibus, et coarctat me spiritus pectoris mei; | 18 Plenus sum enim sermonibus, et coarctat me spiritus uteri mei. |
19 en venter meus quasi mustum absque spiraculo, quod lagunculas novas disrumpit. | 19 En venter meus quasi mustum absque spiraculo, quod lagunculas novas disrumpit. |
20 Loquar et respirabo paululum, aperiam labia mea et respondebo. | 20 Loquar, et respirabo paululum : aperiam labia mea, et respondebo. |
21 Non accipiam personam viri et nulli homini blandiar. | 21 Non accipiam personam viri, et Deum homini non æquabo. |
22 Nescio enim blandiri, quia in brevi tolleret me Factor meus. | 22 Nescio enim quamdiu subsistam, et si post modicum tollat me factor meus. |