Giobbe 9
Confronta con un'altra Bibbia
Cambia Bibbia
NOVA VULGATA | NOVA VULGATA |
---|---|
1 Et respondens Iob ait: | 1 Et respondens Iob ait: |
2 “ Vere scio quod ita sit, et quomodo iustificabitur homo compositus Deo? | 2 “ Vere scio quod ita sit, et quomodo iustificabitur homo compositus Deo? |
3 Si voluerit contendere cum eo, non poterit ei respondere unum pro mille. | 3 Si voluerit contendere cum eo, non poterit ei respondere unum pro mille. |
4 Sapiens corde est et fortis robore; quis restitit ei, et pacem habuit? | 4 Sapiens corde est et fortis robore; quis restitit ei, et pacem habuit? |
5 Qui transtulit montes, et nescierunt hi, quos subvertit in furore suo. | 5 Qui transtulit montes, et nescierunt hi, quos subvertit in furore suo. |
6 Qui commovet terram de loco suo, et columnae eius concutiuntur. | 6 Qui commovet terram de loco suo, et columnae eius concutiuntur. |
7 Qui praecipit soli, et non oritur, et stellas claudit quasi sub signaculo. | 7 Qui praecipit soli, et non oritur, et stellas claudit quasi sub signaculo. |
8 Qui extendit caelos solus et graditur super fluctus maris. | 8 Qui extendit caelos solus et graditur super fluctus maris. |
9 Qui facit Arcturum et Oriona et Hyadas et interiora austri. | 9 Qui facit Arcturum et Oriona et Hyadas et interiora austri. |
10 Qui facit magna et incomprehensibilia et mirabilia, quorum non est numerus. | 10 Qui facit magna et incomprehensibilia et mirabilia, quorum non est numerus. |
11 Si venerit ad me, non videbo eum; si abierit, non intellegam. | 11 Si venerit ad me, non videbo eum; si abierit, non intellegam. |
12 Si repente arripiet, quis eum impediet? Vel quis dicere potest: “Quid facis?”. | 12 Si repente arripiet, quis eum impediet? Vel quis dicere potest: “Quid facis?”. |
13 Deus non retinet iram suam, et sub eo curvantur auxilia Rahab. | 13 Deus non retinet iram suam, et sub eo curvantur auxilia Rahab. |
14 Quantus ergo sum ego, ut respondeam ei et loquar delectis verbis cum eo? | 14 Quantus ergo sum ego, ut respondeam ei et loquar delectis verbis cum eo? |
15 Quia, etiamsi iustus essem, non responderem, sed meum iudicem deprecarer; | 15 Quia, etiamsi iustus essem, non responderem, sed meum iudicem deprecarer; |
16 et, cum invocantem exaudierit me, non credam quod audierit vocem meam. | 16 et, cum invocantem exaudierit me, non credam quod audierit vocem meam. |
17 In turbine enim conteret me et multiplicabit vulnera mea etiam sine causa. | 17 In turbine enim conteret me et multiplicabit vulnera mea etiam sine causa. |
18 Non concedit requiescere spiritum meum et implet me amaritudinibus. | 18 Non concedit requiescere spiritum meum et implet me amaritudinibus. |
19 Si fortitudo quaeritur, robustissimus est; si iudicium, quis eum arcesserit? | 19 Si fortitudo quaeritur, robustissimus est; si iudicium, quis eum arcesserit? |
20 Si iustificare me voluero, os meum condemnabit me; si innocentem ostendero, pravum me comprobabit. | 20 Si iustificare me voluero, os meum condemnabit me; si innocentem ostendero, pravum me comprobabit. |
21 Etiamsi simplex fuero, hoc ipsum ignorabit anima mea, et contemnam vitam meam. | 21 Etiamsi simplex fuero, hoc ipsum ignorabit anima mea, et contemnam vitam meam. |
22 Unum est, quod locutus sum: Et innocentem et impium ipse consumit. | 22 Unum est, quod locutus sum: Et innocentem et impium ipse consumit. |
23 Si subito flagellum occidat, de afflictione innocentium ridebit. | 23 Si subito flagellum occidat, de afflictione innocentium ridebit. |
24 Terra data est in manus impii, vultum iudicum eius operit; quod si non ille est, quis ergo est? | 24 Terra data est in manus impii, vultum iudicum eius operit; quod si non ille est, quis ergo est? |
25 Dies mei velociores fuerunt cursore: fugerunt et non viderunt bonum; | 25 Dies mei velociores fuerunt cursore: fugerunt et non viderunt bonum; |
26 pertransierunt quasi naves arundineae, sicut aquila volans ad escam. | 26 pertransierunt quasi naves arundineae, sicut aquila volans ad escam. |
27 Cum dixero: Obliviscar maerorem meum, commutabo faciem meam et hilaris fiam, | 27 Cum dixero: Obliviscar maerorem meum, commutabo faciem meam et hilaris fiam, |
28 vereor omnes dolores meos, sciens quod non iustificaveris me. | 28 vereor omnes dolores meos, sciens quod non iustificaveris me. |
29 Si autem et sic impius sum, quare frustra laboravi? | 29 Si autem et sic impius sum, quare frustra laboravi? |
30 Si lotus fuero quasi aquis nivis, et lixivo mundavero manus meas, | 30 Si lotus fuero quasi aquis nivis, et lixivo mundavero manus meas, |
31 tamen sordibus intinges me, et abominabuntur me vestimenta mea. | 31 tamen sordibus intinges me, et abominabuntur me vestimenta mea. |
32 Neque enim viro, qui similis mei est, respondebo; nec vir, quocum in iudicio contendam. | 32 Neque enim viro, qui similis mei est, respondebo; nec vir, quocum in iudicio contendam. |
33 Non est qui utrumque valeat arguere et ponere manum suam in ambobus. | 33 Non est qui utrumque valeat arguere et ponere manum suam in ambobus. |
34 Auferat a me virgam suam, et pavor eius non me terreat. | 34 Auferat a me virgam suam, et pavor eius non me terreat. |
35 Loquar et non timebo eum; quia sic non mecum ipse sum. | 35 Loquar et non timebo eum; quia sic non mecum ipse sum. |