Psalmi 77

VULGATA	DOUAI-RHEIMS
1 Intellectus Asaph. Attendite, popule meus, legem meam ; inclinate aurem vestram in verba oris mei.	1 Unto the end, for Idithun, a psalm of Asaph.
2 Aperiam in parabolis os meum ; loquar propositiones ab initio.	2 I cried to the Lord with my voice; to God with my voice, and he gave ear to me.
3 Quanta audivimus, et cognovimus ea, et patres nostri narraverunt nobis.	3 In the day of my trouble I sought God, with my hands lifted up to him in the night, and I was not deceived. My soul refused to be comforted:
4 Non sunt occultata a filiis eorum in generatione altera, narrantes laudes Domini et virtutes ejus, et mirabilia ejus quæ fecit.	4 I remembered God, and was delighted, and was exercised, and my spirit swooned away.
5 Et suscitavit testimonium in Jacob, et legem posuit in Israël, quanta mandavit patribus nostris nota facere ea filiis suis :	5 My eyes prevented the watches: I was troubled, and I spoke not.
6 ut cognoscat generatio altera : filii qui nascentur et exsurgent, et narrabunt filiis suis,	6 I thought upon the days of old: and I had in my mind the eternal years.
7 ut ponant in Deo spem suam, et non obliviscantur operum Dei, et mandata ejus exquirant :	7 And I meditated in the night with my own heart: and I was exercised and I swept my spirit.
8 ne fiant, sicut patres eorum, generatio prava et exasperans ; generatio quæ non direxit cor suum, et non est creditus cum Deo spiritus ejus.	8 Will God then cast off for ever? or will he never be more favourable again?
9 Filii Ephrem, intendentes et mittentes arcum, conversi sunt in die belli.	9 Or will he cut off his mercy for ever, from generation to generation?
10 Non custodierunt testamentum Dei, et in lege ejus noluerunt ambulare.	10 Or will God forget to shew mercy? or will he in his anger shut up his mercies?
11 Et obliti sunt benefactorum ejus, et mirabilium ejus quæ ostendit eis.	11 And I said, Now have I begun: this is the change of the right hand of the most High.
12 Coram patribus eorum fecit mirabilia in terra Ægypti, in campo Taneos.	12 I remembered the works of the Lord: for I will be mindful of thy wonders from the beginning.
13 Interrupit mare, et perduxit eos, et statuit aquas quasi in utre :	13 And I will meditate on all thy works: and will be employed in thy inventions.
14 et deduxit eos in nube diei, et tota nocte in illuminatione ignis.	14 Thy way, O God, is in the holy place: who is the great God like our God?
15 Interrupit petram in eremo, et adaquavit eos velut in abysso multa.	15 Thou art the God that dost wonders. Thou hast made thy power known among the nations:
16 Et eduxit aquam de petra, et deduxit tamquam flumina aquas.	16 with thy arm thou hast redeemed thy people the children of Jacob and of Joseph.
17 Et apposuerunt adhuc peccare ei ; in iram excitaverunt Excelsum in inaquoso.	17 The waters saw thee, O God, the waters saw thee: and they were afraid, and the depths were troubled.
18 Et tentaverunt Deum in cordibus suis, ut peterent escas animabus suis.	18 Great was the noise of the waters: the clouds sent out a sound. For thy arrows pass:
19 Et male locuti sunt de Deo ; dixerunt : Numquid poterit Deus parare mensam in deserto ?	19 the voice of thy thunder in a wheel. Thy lightnings enlightened the world: the earth shook and trembled.
20 quoniam percussit petram, et fluxerunt aquæ, et torrentes inundaverunt. Numquid et panem poterit dare, aut parare mensam populo suo ?	20 Thy way is in the sea, and thy paths in many waters: and thy footsteps shall not be known.
21 Ideo audivit Dominus et distulit ; et ignis accensus est in Jacob, et ira ascendit in Israël :	21 Thou hast conducted thy people like sheep, by the hand of Moses and Aaron
22 quia non crediderunt in Deo, nec speraverunt in salutari ejus.
23 Et mandavit nubibus desuper, et januas cæli aperuit.
24 Et pluit illis manna ad manducandum, et panem cæli dedit eis.
25 Panem angelorum manducavit homo ; cibaria misit eis in abundantia.
26 Transtulit austrum de cælo, et induxit in virtute sua africum.
27 Et pluit super eos sicut pulverem carnes, et sicut arenam maris volatilia pennata.
28 Et ceciderunt in medio castrorum eorum, circa tabernacula eorum.
29 Et manducaverunt, et saturati sunt nimis, et desiderium eorum attulit eis :
30 non sunt fraudati a desiderio suo. Adhuc escæ eorum erant in ore ipsorum,
31 et ira Dei ascendit super eos : et occidit pingues eorum, et electos Israël impedivit.
32 In omnibus his peccaverunt adhuc, et non crediderunt in mirabilibus ejus.
33 Et defecerunt in vanitate dies eorum, et anni eorum cum festinatione.
34 Cum occideret eos, quærebant eum et revertebantur, et diluculo veniebant ad eum.
35 Et rememorati sunt quia Deus adjutor est eorum, et Deus excelsus redemptor eorum est.
36 Et dilexerunt eum in ore suo, et lingua sua mentiti sunt ei ;
37 cor autem eorum non erat rectum cum eo, nec fideles habiti sunt in testamento ejus.
38 Ipse autem est misericors, et propitius fiet peccatis eorum, et non disperdet eos. Et abundavit ut averteret iram suam, et non accendit omnem iram suam.
39 Et recordatus est quia caro sunt, spiritus vadens et non rediens.
40 Quoties exacerbaverunt eum in deserto ; in iram concitaverunt eum in inaquoso ?
41 Et conversi sunt, et tentaverunt Deum, et sanctum Israël exacerbaverunt.
42 Non sunt recordati manus ejus, die qua redemit eos de manu tribulantis :
43 sicut posuit in Ægypto signa sua, et prodigia sua in campo Taneos ;
44 et convertit in sanguinem flumina eorum, et imbres eorum, ne biberent.
45 Misit in eos c?nomyiam, et comedit eos, et ranam, et disperdidit eos ;
46 et dedit ærugini fructus eorum, et labores eorum locustæ ;
47 et occidit in grandine vineas eorum, et moros eorum in pruina ;
48 et tradidit grandini jumenta eorum, et possessionem eorum igni ;
49 misit in eos iram indignationis suæ, indignationem, et iram, et tribulationem, immissiones per angelos malos.
50 Viam fecit semitæ iræ suæ : non pepercit a morte animabus eorum, et jumenta eorum in morte conclusit :
51 et percussit omne primogenitum in terra Ægypti ; primitias omnis laboris eorum in tabernaculis Cham :
52 et abstulit sicut oves populum suum, et perduxit eos tamquam gregem in deserto :
53 et deduxit eos in spe, et non timuerunt, et inimicos eorum operuit mare.
54 Et induxit eos in montem sanctificationis suæ, montem quem acquisivit dextera ejus ; et ejecit a facie eorum gentes, et sorte divisit eis terram in funiculo distributionis ;
55 et habitare fecit in tabernaculis eorum tribus Israël.
56 Et tentaverunt, et exacerbaverunt Deum excelsum, et testimonia ejus non custodierunt.
57 Et averterunt se, et non servaverunt pactum : quemadmodum patres eorum, conversi sunt in arcum pravum.
58 In iram concitaverunt eum in collibus suis, et in sculptilibus suis ad æmulationem eum provocaverunt.
59 Audivit Deus, et sprevit, et ad nihilum redegit valde Israël.
60 Et repulit tabernaculum Silo, tabernaculum suum, ubi habitavit in hominibus.
61 Et tradidit in captivitatem virtutem eorum, et pulchritudinem eorum in manus inimici.
62 Et conclusit in gladio populum suum, et hæreditatem suam sprevit.
63 Juvenes eorum comedit ignis, et virgines eorum non sunt lamentatæ.
64 Sacerdotes eorum in gladio ceciderunt, et viduæ eorum non plorabantur.
65 Et excitatus est tamquam dormiens Dominus, tamquam potens crapulatus a vino.
66 Et percussit inimicos suos in posteriora ; opprobrium sempiternum dedit illis.
67 Et repulit tabernaculum Joseph, et tribum Ephraim non elegit :
68 sed elegit tribum Juda, montem Sion, quem dilexit.
69 Et ædificavit sicut unicornium sanctificium suum, in terra quam fundavit in sæcula.
70 Et elegit David, servum suum, et sustulit eum de gregibus ovium ; de post f?tantes accepit eum :
71 pascere Jacob servum suum, et Israël hæreditatem suam.
72 Et pavit eos in innocentia cordis sui, et in intellectibus manuum suarum deduxit eos.