Scrutatio

Domenica, 28 aprile 2024 - San Luigi Maria Grignion da Montfort ( Letture di oggi)

Giobbe 34

font
NOVA VULGATAVULGATA
1 Pronuntians itaque Eliu etiam haec locutus est:
1 Pronuntians itaque Eliu, etiam hæc locutus est :
2 “ Audite, sapientes, verba mea;
et eruditi, auscultate me.
2 Audite, sapientes, verba mea :
et eruditi, auscultate me.
3 Auris enim verba probat,
et guttur escas gustu diiudicat.
3 Auris enim verba probat,
et guttur escas gustu dijudicat.
4 Iudicium eligamus nobis
et inter nos videamus quid sit melius.
4 Judicium eligamus nobis,
et inter nos videamus quid sit melius.
5 Quia dixit Iob: “Iustus sum,
et Deus avertit iudicium meum;
5 Quia dixit Job : Justus sum,
et Deus subvertit judicium meum.
6 in iudicando enim me mendacium est,
violenta sagitta mea absque ullo peccato”.
6 In judicando enim me mendacium est :
violenta sagitta mea absque ullo peccato.
7 Quis est vir, ut est Iob,
qui bibit subsannationem quasi aquam,
7 Quis est vir ut est Job,
qui bibit subsannationem quasi aquam :
8 qui graditur una cum operantibus iniquitatem
et ambulat cum viris impiis?
8 qui graditur cum operantibus iniquitatem,
et ambulat cum viris impiis ?
9 Dixit enim: “Non prodest viro,
etiamsi cum Deo familiariter agit”.
9 Dixit enim : Non placebit vir Deo,
etiam si cucurrerit cum eo.
10 Ideo, viri cordati, audite me:
Absit a Deo impietas, et ab Omnipotente iniquitas.
10 Ideo, viri cordati, audite me :
absit a Deo impietas,
et ab Omnipotente iniquitas.
11 Opus enim hominis reddet ei
et iuxta vias singulorum restituet eis.
11 Opus enim hominis reddet ei,
et juxta vias singulorum restituet eis.
12 Vere enim Deus non operatur malum,
nec Omnipotens subvertet iudicium.
12 Vere enim Deus non condemnabit frustra,
nec Omnipotens subvertet judicium.
13 Quis commisit ei terram suam,
aut quis posuit totum orbem?
13 Quem constituit alium super terram ?
aut quem posuit super orbem quem fabricatus est ?
14 Si direxerit ad se cor suum,
spiritum illius et halitum ad se trahat,
14 Si direxerit ad eum cor suum,
spiritum illius et flatum ad se trahet.
15 deficiet omnis caro simul,
et homo in cinerem revertetur.
15 Deficiet omnis caro simul,
et homo in cinerem revertetur.
16 Si habes ergo intellectum, audi hoc
et ausculta vocem eloquii mei:
16 Si habes ergo intellectum, audi quod dicitur,
et ausculta vocem eloquii mei :
17 Numquid, qui non amat iudicium, reget imperio?
Num iustum magnum condemnabis,
17 numquid qui non amat judicium sanari potest ?
et quomodo tu eum qui justus est in tantum condemnas ?
18 qui dicet regi: “Nequam!”,
qui vocabit duces: “Impios!”,
18 Qui dicit regi : Apostata ;
qui vocat duces impios ;
19 qui non accipit personas principum
nec cognovit opulentum,
cum disceptaret contra pauperem?
Opus enim manuum eius sunt universi.
19 qui non accipit personas principum,
nec cognovit tyrannum cum disceptaret contra pauperem :
opus enim manuum ejus sunt universi.
20 Subito morientur; et in media nocte
turbabuntur populi et pertransibunt,
et auferent violentum absque conatu.
20 Subito morientur, et in media nocte turbabuntur populi :
et pertransibunt, et auferent violentum absque manu.
21 Oculi enim eius super vias hominum,
et omnes gressus eorum considerat.
21 Oculi enim ejus super vias hominum,
et omnes gressus eorum considerat.
22 Non sunt tenebrae, et non est umbra mortis,
ut abscondantur ibi, qui operantur iniquitatem.
22 Non sunt tenebræ, et non est umbra mortis,
ut abscondantur ibi qui operantur iniquitatem,
23 Nec enim ultra homini ponit conveniendi locum,
ut veniat ad Deum in iudicium.
23 neque enim ultra in hominis potestate est,
ut veniat ad Deum in judicium.
24 Conteret potentes sine inquisitione
et stare faciet alios pro eis.
24 Conteret multos, et innumerabiles,
et stare faciet alios pro eis.
25 Novit enim opera eorum
et idcirco inducet noctem, et conterentur.
25 Novit enim opera eorum,
et idcirco inducet noctem, et conterentur.
26 Quasi impios percussit eos
in loco videntium,
26 Quasi impios percussit eos
in loco videntium :
27 qui quasi de industria recesserunt ab eo
et omnes vias eius intellegere noluerunt,
27 qui quasi de industria recesserunt ab eo,
et omnes vias ejus intelligere noluerunt :
28 cum induceret ad se clamorem egeni et audiret vocem pauperum.
28 ut pervenire facerent ad eum clamorem egeni,
et audiret vocem pauperum.
29 Ipse enim si quieverit, quis est qui condemnet?
Et si absconderit vultum, quis est qui contempletur eum,
super gentem et super homines simul?
29 Ipso enim concedente pacem, quis est qui condemnet ?
ex quo absconderit vultum, quis est qui contempletur eum,
et super gentes, et super omnes homines ?
30 Ne regnet homo impius,
ne sint laquei populo.
30 Qui regnare facit hominem hypocritam
propter peccata populi.
31 Si enim dixit quispiam Deo:
“Ferre debui! Iam non perverse agam.
31 Quia ergo ego locutus sum ad Deum,
te quoque non prohibebo.
32 Dum videam, tu doce me;
si iniquitatem operatus sum, ultra non addam”.
32 Si erravi, tu doce me ;
si iniquitatem locutus sum, ultra non addam.
33 Numquid pro te Deus satisfaciet,
quia respuisti?
Tu enim eliges, et non ego;
et si quid nosti melius, loquere.
33 Numquid a te Deus expetit eam, quia displicuit tibi ?
tu enim cœpisti loqui, et non ego :
quod si quid nosti melius, loquere.
34 Viri intellegentes loquentur mihi,
et vir sapiens, qui audiet me:
34 Viri intelligentes loquantur mihi,
et vir sapiens audiat me.
35 “Iob autem non in sapientia locutus est,
et verba illius non sonant disciplinam”.
35 Job autem stulte locutus est,
et verba illius non sonant disciplinam.
36 Utique, probetur Iob usque ad finem
de responsionibus hominum iniquitatis.
36 Pater mi, probetur Job usque ad finem :
ne desinas ab homine iniquitatis :
37 Quia addit super peccata sua delictum,
inter nos plaudit manibus
et multiplicat sermones suos contra Deum ”.
37 quia addit super peccata sua blasphemiam,
inter nos interim constringatur :
et tunc ad judicium provocet sermonibus suis Deum.