Psalmi 93

VULGATA	BIBLIA
1 Psalmus ipsi David, quarta sabbati. Deus ultionum Dominus ; Deus ultionum libere egit.	1 Reina Yahveh, de majestad vestido, Yahveh vestido, ceñido de poder, y el orbe está seguro, no vacila.
2 Exaltare, qui judicas terram ; redde retributionem superbis.	2 Desde el principio tu trono esta fijado, desde siempre existes tú.
3 Usquequo peccatores, Domine, usquequo peccatores gloriabuntur ;	3 Levantan los ríos, Yahveh, levantan los ríos su voz, los ríos levantan su bramido;
4 effabuntur et loquentur iniquitatem ; loquentur omnes qui operantur injustitiam ?	4 más que la voz de muchas aguas más imponente que las ondas del mar, es imponente Yahveh en las alturas.
5 Populum tuum, Domine, humiliaverunt, et hæreditatem tuam vexaverunt.	5 Son veraces del todo tus dictámenes; la santidad es el ornato de tu Casa, oh Yahveh, por el curso de los días.
6 Viduam et advenam interfecerunt, et pupillos occiderunt.
7 Et dixerunt : Non videbit Dominus, nec intelliget Deus Jacob.
8 Intelligite, insipientes in populo ; et stulti, aliquando sapite.
9 Qui plantavit aurem non audiet ? aut qui finxit oculum non considerat ?
10 Qui corripit gentes non arguet, qui docet hominem scientiam ?
11 Dominus scit cogitationes hominum, quoniam vanæ sunt.
12 Beatus homo quem tu erudieris, Domine, et de lege tua docueris eum :
13 ut mitiges ei a diebus malis, donec fodiatur peccatori fovea.
14 Quia non repellet Dominus plebem suam, et hæreditatem suam non derelinquet,
15 quoadusque justitia convertatur in judicium : et qui juxta illam, omnes qui recto sunt corde.
16 Quis consurget mihi adversus malignantes ? aut quis stabit mecum adversus operantes iniquitatem ?
17 Nisi quia Dominus adjuvit me, paulominus habitasset in inferno anima mea.
18 Si dicebam : Motus est pes meus : misericordia tua, Domine, adjuvabat me.
19 Secundum multitudinem dolorum meorum in corde meo, consolationes tuæ lætificaverunt animam meam.
20 Numquid adhæret tibi sedes iniquitatis, qui fingis laborem in præcepto ?
21 Captabunt in animam justi, et sanguinem innocentem condemnabunt.
22 Et factus est mihi Dominus in refugium, et Deus meus in adjutorium spei meæ.
23 Et reddet illis iniquitatem ipsorum, et in malitia eorum disperdet eos : disperdet illos Dominus Deus noster.