Psalmi 129

VULGATA	NOVA VULGATA
1 Canticum graduum. De profundis clamavi ad te, Domine ;	1 Canticum ascensionum. Saepe expugnaverunt me a iuventute mea, dicat nunc Israel,
2 Domine, exaudi vocem meam. Fiant aures tuæ intendentes in vocem deprecationis meæ.	2 saepe expugnaverunt me a iuventute mea, etenim non potuerunt adversum me.
3 Si iniquitates observaveris, Domine, Domine, quis sustinebit ?	3 Supra dorsum meum araverunt aratores, prolongaverunt sulcos suos.
4 Quia apud te propitiatio est ; et propter legem tuam sustinui te, Domine. Sustinuit anima mea in verbo ejus :	4 Dominus autem iustus concidit cervices peccatorum.
5 speravit anima mea in Domino.	5 Confundantur et convertantur retrorsum omnes, qui oderunt Sion.
6 A custodia matutina usque ad noctem, speret Israël in Domino.	6 Fiant sicut fenum tectorum, quod, priusquam evellatur, exaruit;
7 Quia apud Dominum misericordia, et copiosa apud eum redemptio.	7 de quo non implevit manum suam, qui metit, et sinum suum, qui manipulos colligit.
8 Et ipse redimet Israël ex omnibus iniquitatibus ejus.	8 Et non dixerunt, qui praeteribant: “ Benedictio Domini super vos, benedicimus vobis in nomine Domini ”.