Giobbe 31
Confronta con un'altra Bibbia
Cambia Bibbia
NOVA VULGATA | VULGATA |
---|---|
1 Pepigi foedus cum oculis meis ut ne cogitarem quidem de virgine. | 1 Pepigi fœdus cum oculis meis, ut ne cogitarem quidem de virgine. |
2 Quae enim pars mea apud Deum desuper, et quae hereditas apud Omnipotentem in excelsis? | 2 Quam enim partem haberet in me Deus desuper, et hæreditatem Omnipotens de excelsis ? |
3 Numquid non perditio est iniquo, et alienatio operantibus iniustitiam? | 3 Numquid non perditio est iniquo, et alienatio operantibus injustitiam ? |
4 Nonne ipse considerat vias meas et cunctos gressus meos dinumerat? | 4 Nonne ipse considerat vias meas, et cunctos gressus meos dinumerat ? |
5 Si ambulavi in vanitate, et festinavit in dolo pes meus, | 5 Si ambulavi in vanitate, et festinavit in dolo pes meus, |
6 appendat me in statera iusta et sciat Deus integritatem meam. | 6 appendat me in statera justa, et sciat Deus simplicitatem meam. |
7 Si declinavit gressus meus de via, et si secutum est oculos meos cor meum, et si manibus meis adhaesit macula, | 7 Si declinavit gressus meus de via, et si secutum est oculos meos cor meum, et si manibus meis adhæsit macula, |
8 seram, et alius comedat, et progenies mea eradicetur. | 8 seram, et alius comedat, et progenies mea eradicetur. |
9 Si deceptum est cor meum super muliere, et si ad ostium amici mei insidiatus sum, | 9 Si deceptum est cor meum super muliere, et si ad ostium amici mei insidiatus sum, |
10 molat pro alio uxor mea, et super illam incurventur alii. | 10 scortum alterius sit uxor mea, et super illam incurventur alii. |
11 Hoc enim nefas est et iniquitas iudicialis; | 11 Hoc enim nefas est, et iniquitas maxima. |
12 ignis est usque ad perditionem devorans et omnia eradicans genimina. | 12 Ignis est usque ad perditionem devorans, et omnia eradicans genimina. |
13 Si contempsi subire iudicium cum servo meo et ancilla mea, cum disceptarent adversum me, | 13 Si contempsi subire judicium cum servo meo et ancilla mea, cum disceptarent adversum me : |
14 quid enim faciam, cum surrexerit ad iudicandum Deus; et, cum quaesierit, quid respondebo illi? | 14 quid enim faciam cum surrexerit ad judicandum Deus ? et cum quæsierit, quid respondebo illi ? |
15 Numquid non in ventre fecit me, qui et illum operatus est, et formavit me in visceribus unus? | 15 Numquid non in utero fecit me, qui et illum operatus est, et formavit me in vulva unus ? |
16 Si negavi, quod volebant, pauperibus et oculos viduae languescere feci; | 16 Si negavi quod volebant pauperibus, et oculos viduæ expectare feci ; |
17 si comedi buccellam meam solus, et non comedit pupillus ex ea, | 17 si comedi buccellam meam solus, et non comedit pupillus ex ea |
18 quia ab infantia mea educavi eum ut pater et de ventre matris meae direxi eam; | 18 (quia ab infantia mea crevit mecum miseratio, et de utero matris meæ egressa est mecum) ; |
19 si despexi pereuntem, eo quod non habuerit indumentum, et absque operimento pauperem; | 19 si despexi pereuntem, eo quod non habuerit indumentum, et absque operimento pauperem ; |
20 si non benedixerunt mihi latera eius, et de velleribus ovium mearum calefactus est; | 20 si non benedixerunt mihi latera ejus, et de velleribus ovium mearum calefactus est ; |
21 si levavi super pupillum manum meam, cum viderem in porta adiutorium mihi, | 21 si levavi super pupillum manum meam, etiam cum viderem me in porta superiorem : |
22 umerus meus a iunctura sua cadat, et brachium meum cum ossibus lacertorum confringatur, | 22 humerus meus a junctura sua cadat, et brachium meum cum suis ossibus confringatur. |
23 quia timor super me calamitas a Deo, et contra maiestatem eius nihil valerem! | 23 Semper enim quasi tumentes super me fluctus timui Deum, et pondus ejus ferre non potui. |
24 Si putavi aurum securitatem meam et obryzo dixi: Fiducia mea!; | 24 Si putavi aurum robur meum, et obrizo dixi : Fiducia mea ; |
25 si laetatus sum super multis divitiis meis, et quia plurima repperit manus mea; | 25 si lætatus sum super multis divitiis meis, et quia plurima reperit manus mea ; |
26 si vidi solem, cum fulgeret, et lunam incedentem clare, | 26 si vidi solem cum fulgeret, et lunam incedentem clare, |
27 et decepit me in abscondito cor meum, et osculatus sum manum meam ore meo, | 27 et lætatum est in abscondito cor meum, et osculatus sum manum meam ore meo : |
28 quae est iniquitas iudicialis, eo quod negassem Deum desuper; | 28 quæ est iniquitas maxima, et negatio contra Deum altissimum. |
29 si gavisus sum ad ruinam eius, qui me oderat, et exsultavi quod invenisset eum malum, | 29 Si gavisus sum ad ruinam ejus qui me oderat, et exsultavi quod invenisset eum malum : |
30 cum non dederim ad peccandum guttur meum, ut expeterem maledicens animam eius; | 30 non enim dedi ad peccandum guttur meum, ut expeterem maledicens animam ejus. |
31 si non dixerunt viri tabernaculi mei: “Quis det, qui de carnibus eius nonsaturatus sit?”; | 31 Si non dixerunt viri tabernaculi mei : Quis det de carnibus ejus, ut saturemur ? |
32 foris non mansit peregrinus, ostium meum viatori patuit; | 32 foris non mansit peregrinus : ostium meum viatori patuit. |
33 si abscondi quasi homo peccatum meum et celavi in sinu meo iniquitatem meam; | 33 Si abscondi quasi homo peccatum meum, et celavi in sinu meo iniquitatem meam ; |
34 si expavi ad multitudinem nimiam, et despectio propinquorum terruit me, et magis tacui nec egressus sum ostium. | 34 si expavi ad multitudinem nimiam, et despectio propinquorum terruit me : et non magis tacui, nec egressus sum ostium. |
35 Quis mihi tribuat auditorem? Ecce signum meum! Omnipotens respondeat mihi! Ecce liber, quem scripsit vir litis meae, | 35 Quis mihi tribuat auditorem, ut desiderium meum audiat Omnipotens, et librum scribat ipse qui judicat, |
36 ut in umero meo portem illum et alligem illum quasi coronam mihi. | 36 ut in humero meo portem illum, et circumdem illum quasi coronam mihi ? |
37 Numerum graduum meorum pronuntiabo illi et quasi principem adibo eum. | 37 Per singulos gradus meos pronuntiabo illum, et quasi principi offeram eum. |
38 Si adversum me terra mea clamat, et cum ipsa sulci eius deflent; | 38 Si adversum me terra mea clamat, et cum ipsa sulci ejus deflent : |
39 si fructus eius comedi absque pecunia et animam agricolarum eius afflixi, | 39 si fructus ejus comedi absque pecunia, et animam agricolarum ejus afflixi : |
40 pro frumento oriatur mihi tribulus, et pro hordeo herba foetida! ”. Finita sunt verba Iob. | 40 pro frumento oriatur mihi tribulus, et pro hordeo spina. Finita sunt verba Job. |