Psalmi 4

VULGATA	NOVA VULGATA
1 In finem, in carminibus. Psalmus David.	1 Magistro chori. Fidibus. Psalmus. David.
2 Cum invocarem exaudivit me Deus justitiæ meæ, in tribulatione dilatasti mihi. Miserere mei, et exaudi orationem meam.	2 Cum invocarem, exaudivit me Deus iustitiae meae. In tribulatione dilatasti mihi; miserere mei et exaudi orationem meam.
3 Filii hominum, usquequo gravi corde ? ut quid diligitis vanitatem, et quæritis mendacium ?	3 Filii hominum, usquequo gravi corde? Ut quid diligitis vanitatem et quaeritis mendacium?
4 Et scitote quoniam mirificavit Dominus sanctum suum ; Dominus exaudiet me cum clamavero ad eum.	4 Et scitote quoniam mirificavit Dominus sanctum suum; Dominus exaudiet, cum clamavero ad eum.
5 Irascimini, et nolite peccare ; quæ dicitis in cordibus vestris, in cubilibus vestris compungimini.	5 Irascimini et nolite peccare; loquimini in cordibus vestris, in cubilibus vestris et conquiescite.
6 Sacrificate sacrificium justitiæ, et sperate in Domino. Multi dicunt : Quis ostendit nobis bona ?	6 Sacrificate sacrificium iustitiae et sperate in Domino.
7 Signatum est super nos lumen vultus tui, Domine : dedisti lætitiam in corde meo.	7 Multi dicunt: “ Quis ostendit nobis bona? ”. Leva in signum super nos lumen vultus tui, Domine!
8 A fructu frumenti, vini, et olei sui, multiplicati sunt.	8 Maiorem dedisti laetitiam in corde meo, quam cum multiplicantur frumentum et vinum eorum.
9 In pace in idipsum dormiam, et requiescam ;	9 In pace in idipsum dormiam et requiescam, quoniam tu, Domine, singulariter in spe constituisti me.
10 quoniam tu, Domine, singulariter in spe constituisti me.