Psalmi 17

VULGATA	EINHEITSUBERSETZUNG BIBEL
1 In finem. Puero Domini David, qui locutus est Domino verba cantici hujus, in die qua eripuit eum Dominus de manu omnium inimicorum ejus, et de manu Saul, et dixit :	1 [Ein Gebet Davids.]Höre, Herr, die gerechte Sache, achte auf mein Flehen, vernimm mein Gebet von Lippen ohne Falsch!
2 Diligam te, Domine, fortitudo mea.	2 Von deinem Angesicht ergehe mein Urteil; denn deine Augen sehen, was recht ist.
3 Dominus firmamentum meum, et refugium meum, et liberator meus. Deus meus adjutor meus, et sperabo in eum ; protector meus, et cornu salutis meæ, et susceptor meus.	3 Prüfst du mein Herz, suchst du mich heim in der Nacht und erprobst mich, dann findest du an mir kein Unrecht. Mein Mund verging sich nicht,
4 Laudans invocabo Dominum, et ab inimicis meis salvus ero.	4 trotz allem, was die Menschen auch treiben; ich halte mich an das Wort deiner Lippen.
5 Circumdederunt me dolores mortis, et torrentes iniquitatis conturbaverunt me.	5 Auf dem Weg deiner Gebote gehn meine Schritte, meine Füße wanken nicht auf deinen Pfaden.
6 Dolores inferni circumdederunt me ; præoccupaverunt me laquei mortis.	6 Ich rufe dich an, denn du, Gott, erhörst mich. Wende dein Ohr mir zu, vernimm meine Rede!
7 In tribulatione mea invocavi Dominum, et ad Deum meum clamavi : et exaudivit de templo sancto suo vocem meam ; et clamor meus in conspectu ejus introivit in aures ejus.	7 Wunderbar erweise deine Huld! Du rettest alle, die sich an deiner Rechten vor den Feinden bergen.
8 Commota est, et contremuit terra ; fundamenta montium conturbata sunt, et commota sunt : quoniam iratus est eis.	8 Behüte mich wie den Augapfel, den Stern des Auges, birg mich im Schatten deiner Flügel
9 Ascendit fumus in ira ejus, et ignis a facie ejus exarsit ; carbones succensi sunt ab eo.	9 vor den Frevlern, die mich hart bedrängen, vor den Feinden, die mich wütend umringen.
10 Inclinavit cælos, et descendit, et caligo sub pedibus ejus.	10 Sie haben ihr hartes Herz verschlossen, sie führen stolze Worte im Mund,
11 Et ascendit super cherubim, et volavit ; volavit super pennas ventorum.	11 sie lauern mir auf, jetzt kreisen sie mich ein; sie trachten danach, mich zu Boden zu strecken,
12 Et posuit tenebras latibulum suum ; in circuitu ejus tabernaculum ejus, tenebrosa aqua in nubibus aëris.	12 so wie der Löwe voll Gier ist zu zerreißen, wie der junge Löwe, der im Hinterhalt lauert.
13 Præ fulgore in conspectu ejus nubes transierunt ; grando et carbones ignis.	13 Erheb dich, Herr, tritt dem Frevler entgegen! Wirf ihn zu Boden, mit deinem Schwert entreiß mich ihm!
14 Et intonuit de cælo Dominus, et Altissimus dedit vocem suam : grando et carbones ignis.	14 Rette mich, Herr, mit deiner Hand vor diesen Leuten, vor denen, die im Leben schon alles haben. Du füllst ihren Leib mit Gütern, auch ihre Söhne werden noch satt und hinterlassen den Enkeln, was übrig bleibt.
15 Et misit sagittas suas, et dissipavit eos ; fulgura multiplicavit, et conturbavit eos.	15 Ich aber will in Gerechtigkeit dein Angesicht schauen, mich satt sehen an deiner Gestalt, wenn ich erwache.
16 Et apparuerunt fontes aquarum, et revelata sunt fundamenta orbis terrarum, ab increpatione tua, Domine, ab inspiratione spiritus iræ tuæ.
17 Misit de summo, et accepit me ; et assumpsit me de aquis multis.
18 Eripuit me de inimicis meis fortissimis, et ab his qui oderunt me. Quoniam confortati sunt super me ;
19 prævenerunt me in die afflictionis meæ : et factus est Dominus protector meus.
20 Et eduxit me in latitudinem ; salvum me fecit, quoniam voluit me,
21 et retribuet mihi Dominus secundum justitiam meam, et secundum puritatem manuum mearum retribuet mihi :
22 quia custodivi vias Domini, nec impie gessi a Deo meo ;
23 quoniam omnia judicia ejus in conspectu meo, et justitias ejus non repuli a me.
24 Et ero immaculatus cum eo ; et observabo me ab iniquitate mea.
25 Et retribuet mihi Dominus secundum justitiam meam, et secundum puritatem manuum mearum in conspectu oculorum ejus.
26 Cum sancto sanctus eris, et cum viro innocente innocens eris,
27 et cum electo electus eris, et cum perverso perverteris.
28 Quoniam tu populum humilem salvum facies, et oculos superborum humiliabis.
29 Quoniam tu illuminas lucernam meam, Domine ; Deus meus, illumina tenebras meas.
30 Quoniam in te eripiar a tentatione ; et in Deo meo transgrediar murum.
31 Deus meus, impolluta via ejus ; eloquia Domini igne examinata : protector est omnium sperantium in se.
32 Quoniam quis deus præter Dominum ? aut quis deus præter Deum nostrum ?
33 Deus qui præcinxit me virtute, et posuit immaculatam viam meam ;
34 qui perfecit pedes meos tamquam cervorum, et super excelsa statuens me ;
35 qui docet manus meas ad prælium. Et posuisti, ut arcum æreum, brachia mea,
36 et dedisti mihi protectionem salutis tuæ : et dextera tua suscepit me, et disciplina tua correxit me in finem, et disciplina tua ipsa me docebit.
37 Dilatasti gressus meos subtus me, et non sunt infirmata vestigia mea.
38 Persequar inimicos meos, et comprehendam illos ; et non convertar donec deficiant.
39 Confringam illos, nec poterunt stare ; cadent subtus pedes meos.
40 Et præcinxisti me virtute ad bellum, et supplantasti insurgentes in me subtus me.
41 Et inimicos meos dedisti mihi dorsum, et odientes me disperdidisti.
42 Clamaverunt, nec erat qui salvos faceret ; ad Dominum, nec exaudivit eos.
43 Et comminuam eos ut pulverem ante faciem venti ; ut lutum platearum delebo eos.
44 Eripies me de contradictionibus populi ; constitues me in caput gentium.
45 Populus quem non cognovi servivit mihi ; in auditu auris obedivit mihi.
46 Filii alieni mentiti sunt mihi, filii alieni inveterati sunt, et claudicaverunt a semitis suis.
47 Vivit Dominus, et benedictus Deus meus, et exaltetur Deus salutis meæ.
48 Deus qui das vindictas mihi, et subdis populos sub me ; liberator meus de inimicis meis iracundis.
49 Et ab insurgentibus in me exaltabis me ; a viro iniquo eripies me.
50 Propterea confitebor tibi in nationibus, Domine, et nomini tuo psalmum dicam ;
51 magnificans salutes regis ejus, et faciens misericordiam christo suo David, et semini ejus usque in sæculum.