Psalmi 118

VULGATA	GREEK BIBLE
1 Alleluja. (Aleph)Beati immaculati in via, qui ambulant in lege Domini.	1 Δοξολογειτε τον Κυριον, διοτι ειναι αγαθος, διοτι το ελεος αυτου μενει εις τον αιωνα.
2 Beati qui scrutantur testimonia ejus ; in toto corde exquirunt eum.	2 Ας ειπη τωρα ο Ισραηλ, οτι το ελεος αυτου μενει εις τον αιωνα.
3 Non enim qui operantur iniquitatem in viis ejus ambulaverunt.	3 Ας ειπη τωρα ο οικος Ααρων, οτι το ελεος αυτου μενει εις τον αιωνα.
4 Tu mandasti mandata tua custodiri nimis.	4 Ας ειπωσι τωρα οι φοβουμενοι τον Κυριον, οτι το ελεος αυτου μενει εις τον αιωνα.
5 Utinam dirigantur viæ meæ ad custodiendas justificationes tuas.	5 Εν θλιψει επεκαλεσθην τον Κυριον? ο Κυριος μου υπηκουσε, δους ευρυχωριαν.
6 Tunc non confundar, cum perspexero in omnibus mandatis tuis.	6 Ο Κυριος ειναι υπερ εμου? δεν θελω φοβηθη? τι να μοι καμη ανθρωπος;
7 Confitebor tibi in directione cordis, in eo quod didici judicia justitiæ tuæ.	7 Ο Κυριος ειναι υπερ εμου μεταξυ των βοηθουντων με? και εγω θελω ιδει την εκδικησιν επι τους εχθρους μου.
8 Justificationes tuas custodiam ; non me derelinquas usquequaque.	8 Καλλιον να ελπιζη τις επι Κυριον, παρα να θαρρη επ' ανθρωπον.
9 (Beth)In quo corrigit adolescentior viam suam ? in custodiendo sermones tuos.	9 Καλλιον να ελπιζη τις επι Κυριον, παρα να θαρρη επ' αρχοντας.
10 In toto corde meo exquisivi te ; ne repellas me a mandatis tuis.	10 Παντα τα εθνη με περιεκυκλωσαν? αλλ' εν τω ονοματι τον Κυριου θελω κατατροπωσει αυτους.
11 In corde meo abscondi eloquia tua, ut non peccem tibi.	11 Με περιεκυκλωσαν, ναι, με περιεκυκλωσαν πανταχοθεν? αλλ' εν τω ονοματι του Κυριου θελω κατατροπωσει αυτους.
12 Benedictus es, Domine ; doce me justificationes tuas.	12 Με περιεκυκλωσαν ως μελισσαι? εσβεσθησαν ως πυρ ακανθων? διοτι εν τω ονοματι του Κυριου θελω κατατροπωσει αυτους.
13 In labiis meis pronuntiavi omnia judicia oris tui.	13 Με ωθησας δυνατα δια να πεσω? αλλ' ο Κυριος με εβοηθησε.
14 In via testimoniorum tuorum delectatus sum, sicut in omnibus divitiis.	14 Δυναμις μου και υμνος ειναι ο Κυριος, και εγεινεν εις εμε σωτηρια.
15 In mandatis tuis exercebor, et considerabo vias tuas.	15 Φωνη αγαλλιασεως και σωτηριας ειναι εν σκηναις δικαιων? η δεξια του Κυριου καμνει κατορθωματα.
16 In justificationibus tuis meditabor : non obliviscar sermones tuos.	16 Η δεξια του Κυριου υψωθη? η δεξια του Κυριου καμνει κατορθωματα.
17 (Ghimel)Retribue servo tuo, vivifica me, et custodiam sermones tuos.	17 Δεν θελω αποθανει αλλα θελω ζησει και θελω διηγεισθαι τα εργα του Κυριου.
18 Revela oculos meos, et considerabo mirabilia de lege tua.	18 Αυστηρως με επαιδευσεν ο Κυριος, αλλα δεν με παρεδωκεν εις θανατον.
19 Incola ego sum in terra : non abscondas a me mandata tua.	19 Ανοιξατε εις εμε τας πυλας της δικαιοσυνης? θελω εισελθει εις αυτας και θελω δοξολογησει τον Κυριον.
20 Concupivit anima mea desiderare justificationes tuas in omni tempore.	20 Αυτη ειναι η πυλη του Κυριου? οι δικαιοι θελουσιν εισελθει εις αυτην.
21 Increpasti superbos ; maledicti qui declinant a mandatis tuis.	21 Θελω σε δοξολογει, διοτι μου επηκουσας και εγεινες εις εμε σωτηρια.
22 Aufer a me opprobrium et contemptum, quia testimonia tua exquisivi.	22 Ο λιθος, τον οποιον απεδοκιμασαν οι οικοδομουντες, ουτος εγεινε κεφαλη γωνιας?
23 Etenim sederunt principes, et adversum me loquebantur ; servus autem tuus exercebatur in justificationibus tuis.	23 παρα Κυριου εγεινεν αυτη και ειναι θαυμαστη εν οφθαλμοις ημων.
24 Nam et testimonia tua meditatio mea est, et consilium meum justificationes tuæ.	24 Αυτη ειναι η ημερα, την οποιαν εκαμεν ο Κυριος? ας αγαλλιασθωμεν και ας ευφρανθωμεν εν αυτη.
25 (Daleth)Adhæsit pavimento anima mea : vivifica me secundum verbum tuum.	25 Ω Κυριε, σωσον, δεομαι? ω Κυριε, ευοδωσον, δεομαι.
26 Vias meas enuntiavi, et exaudisti me ; doce me justificationes tuas.	26 Ευλογημενος ο ερχομενος εν ονοματι Κυριου? σας ευλογησαμεν εκ του οικου του Κυριου.
27 Viam justificationum tuarum instrue me, et exercebor in mirabilibus tuis.	27 Ο Θεος ειναι ο Κυριος και εδειξε φως εις ημας? φερετε την θυσιαν δεδεμενην με σχοινια εως των κερατων του θυσιαστηριου.
28 Dormitavit anima mea præ tædio : confirma me in verbis tuis.	28 Συ εισαι ο Θεος μου, και θελω σε δοξολογει? ο Θεος μου, θελω σε υψονει.
29 Viam iniquitatis amove a me, et de lege tua miserere mei.	29 Δοξολογειτε τον Κυριον, διοτι ειναι αγαθος, διοτι το ελεος αυτου μενει εις τον αιωνα.
30 Viam veritatis elegi ; judicia tua non sum oblitus.
31 Adhæsi testimoniis tuis, Domine ; noli me confundere.
32 Viam mandatorum tuorum cucurri, cum dilatasti cor meum.
33 (He)Legem pone mihi, Domine, viam justificationum tuarum, et exquiram eam semper.
34 Da mihi intellectum, et scrutabor legem tuam, et custodiam illam in toto corde meo.
35 Deduc me in semitam mandatorum tuorum, quia ipsam volui.
36 Inclina cor meum in testimonia tua, et non in avaritiam.
37 Averte oculos meos, ne videant vanitatem ; in via tua vivifica me.
38 Statue servo tuo eloquium tuum in timore tuo.
39 Amputa opprobrium meum quod suspicatus sum, quia judicia tua jucunda.
40 Ecce concupivi mandata tua : in æquitate tua vivifica me.
41 (Vau)Et veniat super me misericordia tua, Domine ; salutare tuum secundum eloquium tuum.
42 Et respondebo exprobrantibus mihi verbum, quia speravi in sermonibus tuis.
43 Et ne auferas de ore meo verbum veritatis usquequaque, quia in judiciis tuis supersperavi.
44 Et custodiam legem tuam semper, in sæculum et in sæculum sæculi.
45 Et ambulabam in latitudine, quia mandata tua exquisivi.
46 Et loquebar in testimoniis tuis in conspectu regum, et non confundebar.
47 Et meditabar in mandatis tuis, quæ dilexi.
48 Et levavi manus meas ad mandata tua, quæ dilexi, et exercebar in justificationibus tuis.
49 (Zain)Memor esto verbi tui servo tuo, in quo mihi spem dedisti.
50 Hæc me consolata est in humilitate mea, quia eloquium tuum vivificavit me.
51 Superbi inique agebant usquequaque ; a lege autem tua non declinavi.
52 Memor fui judiciorum tuorum a sæculo, Domine, et consolatus sum.
53 Defectio tenuit me, pro peccatoribus derelinquentibus legem tuam.
54 Cantabiles mihi erant justificationes tuæ in loco peregrinationis meæ.
55 Memor fui nocte nominis tui, Domine, et custodivi legem tuam.
56 Hæc facta est mihi, quia justificationes tuas exquisivi.
57 (Heth)Portio mea, Domine, dixi custodire legem tuam.
58 Deprecatus sum faciem tuam in toto corde meo ; miserere mei secundum eloquium tuum.
59 Cogitavi vias meas, et converti pedes meos in testimonia tua.
60 Paratus sum, et non sum turbatus, ut custodiam mandata tua.
61 Funes peccatorum circumplexi sunt me, et legem tuam non sum oblitus.
62 Media nocte surgebam ad confitendum tibi, super judicia justificationis tuæ.
63 Particeps ego sum omnium timentium te, et custodientium mandata tua.
64 Misericordia tua, Domine, plena est terra ; justificationes tuas doce me.
65 (Teth)Bonitatem fecisti cum servo tuo, Domine, secundum verbum tuum.
66 Bonitatem, et disciplinam, et scientiam doce me, quia mandatis tuis credidi.
67 Priusquam humiliarer ego deliqui : propterea eloquium tuum custodivi.
68 Bonus es tu, et in bonitate tua doce me justificationes tuas.
69 Multiplicata est super me iniquitas superborum ; ego autem in toto corde meo scrutabor mandata tua.
70 Coagulatum est sicut lac cor eorum ; ego vero legem tuam meditatus sum.
71 Bonum mihi quia humiliasti me, ut discam justificationes tuas.
72 Bonum mihi lex oris tui, super millia auri et argenti.
73 (Jod)Manus tuæ fecerunt me, et plasmaverunt me : da mihi intellectum, et discam mandata tua.
74 Qui timent te videbunt me et lætabuntur, quia in verba tua supersperavi.
75 Cognovi, Domine, quia æquitas judicia tua, et in veritate tua humiliasti me.
76 Fiat misericordia tua ut consoletur me, secundum eloquium tuum servo tuo.
77 Veniant mihi miserationes tuæ, et vivam, quia lex tua meditatio mea est.
78 Confundantur superbi, quia injuste iniquitatem fecerunt in me ; ego autem exercebor in mandatis tuis.
79 Convertantur mihi timentes te, et qui noverunt testimonia tua.
80 Fiat cor meum immaculatum in justificationibus tuis, ut non confundar.
81 (Caph)Defecit in salutare tuum anima mea, et in verbum tuum supersperavi.
82 Defecerunt oculi mei in eloquium tuum, dicentes : Quando consolaberis me ?
83 Quia factus sum sicut uter in pruina ; justificationes tuas non sum oblitus.
84 Quot sunt dies servi tui ? quando facies de persequentibus me judicium ?
85 Narraverunt mihi iniqui fabulationes, sed non ut lex tua.
86 Omnia mandata tua veritas : inique persecuti sunt me, adjuva me.
87 Paulominus consummaverunt me in terra ; ego autem non dereliqui mandata tua.
88 Secundum misericordiam tuam vivifica me, et custodiam testimonia oris tui.
89 (Lamed)In æternum, Domine, verbum tuum permanet in cælo.
90 In generationem et generationem veritas tua ; fundasti terram, et permanet.
91 Ordinatione tua perseverat dies, quoniam omnia serviunt tibi.
92 Nisi quod lex tua meditatio mea est, tunc forte periissem in humilitate mea.
93 In æternum non obliviscar justificationes tuas, quia in ipsis vivificasti me.
94 Tuus sum ego ; salvum me fac : quoniam justificationes tuas exquisivi.
95 Me exspectaverunt peccatores ut perderent me ; testimonia tua intellexi.
96 Omnis consummationis vidi finem, latum mandatum tuum nimis.
97 (Mem)Quomodo dilexi legem tuam, Domine ! tota die meditatio mea est.
98 Super inimicos meos prudentem me fecisti mandato tuo, quia in æternum mihi est.
99 Super omnes docentes me intellexi, quia testimonia tua meditatio mea est.
100 Super senes intellexi, quia mandata tua quæsivi.
101 Ab omni via mala prohibui pedes meos, ut custodiam verba tua.
102 A judiciis tuis non declinavi, quia tu legem posuisti mihi.
103 Quam dulcia faucibus meis eloquia tua ! super mel ori meo.
104 A mandatis tuis intellexi ; propterea odivi omnem viam iniquitatis.
105 (Nun)Lucerna pedibus meis verbum tuum, et lumen semitis meis.
106 Juravi et statui custodire judicia justitiæ tuæ.
107 Humiliatus sum usquequaque, Domine ; vivifica me secundum verbum tuum.
108 Voluntaria oris mei beneplacita fac, Domine, et judicia tua doce me.
109 Anima mea in manibus meis semper, et legem tuam non sum oblitus.
110 Posuerunt peccatores laqueum mihi, et de mandatis tuis non erravi.
111 Hæreditate acquisivi testimonia tua in æternum, quia exsultatio cordis mei sunt.
112 Inclinavi cor meum ad faciendas justificationes tuas in æternum, propter retributionem.
113 (Samech)Iniquos odio habui, et legem tuam dilexi.
114 Adjutor et susceptor meus es tu, et in verbum tuum supersperavi.
115 Declinate a me, maligni, et scrutabor mandata Dei mei.
116 Suscipe me secundum eloquium tuum, et vivam, et non confundas me ab exspectatione mea.
117 Adjuva me, et salvus ero, et meditabor in justificationibus tuis semper.
118 Sprevisti omnes discedentes a judiciis tuis, quia injusta cogitatio eorum.
119 Prævaricantes reputavi omnes peccatores terræ ; ideo dilexi testimonia tua.
120 Confige timore tuo carnes meas ; a judiciis enim tuis timui.
121 (Ain)Feci judicium et justitiam : non tradas me calumniantibus me.
122 Suscipe servum tuum in bonum : non calumnientur me superbi.
123 Oculi mei defecerunt in salutare tuum, et in eloquium justitiæ tuæ.
124 Fac cum servo tuo secundum misericordiam tuam, et justificationes tuas doce me.
125 Servus tuus sum ego : da mihi intellectum, ut sciam testimonia tua.
126 Tempus faciendi, Domine : dissipaverunt legem tuam.
127 Ideo dilexi mandata tua super aurum et topazion.
128 Propterea ad omnia mandata tua dirigebar ; omnem viam iniquam odio habui.
129 (Phe)Mirabilia testimonia tua : ideo scrutata est ea anima mea.
130 Declaratio sermonum tuorum illuminat, et intellectum dat parvulis.
131 Os meum aperui, et attraxi spiritum : quia mandata tua desiderabam.
132 Aspice in me, et miserere mei, secundum judicium diligentium nomen tuum.
133 Gressus meos dirige secundum eloquium tuum, et non dominetur mei omnis injustitia.
134 Redime me a calumniis hominum ut custodiam mandata tua.
135 Faciem tuam illumina super servum tuum, et doce me justificationes tuas.
136 Exitus aquarum deduxerunt oculi mei, quia non custodierunt legem tuam.
137 (Sade)Justus es, Domine, et rectum judicium tuum.
138 Mandasti justitiam testimonia tua, et veritatem tuam nimis.
139 Tabescere me fecit zelus meus, quia obliti sunt verba tua inimici mei.
140 Ignitum eloquium tuum vehementer, et servus tuus dilexit illud.
141 Adolescentulus sum ego et contemptus ; justificationes tuas non sum oblitus.
142 Justitia tua, justitia in æternum, et lex tua veritas.
143 Tribulatio et angustia invenerunt me ; mandata tua meditatio mea est.
144 Æquitas testimonia tua in æternum : intellectum da mihi, et vivam.
145 (Coph)Clamavi in toto corde meo : exaudi me, Domine ; justificationes tuas requiram.
146 Clamavi ad te ; salvum me fac : ut custodiam mandata tua.
147 Præveni in maturitate, et clamavi : quia in verba tua supersperavi.
148 Prævenerunt oculi mei ad te diluculo, ut meditarer eloquia tua.
149 Vocem meam audi secundum misericordiam tuam, Domine, et secundum judicium tuum vivifica me.
150 Appropinquaverunt persequentes me iniquitati : a lege autem tua longe facti sunt.
151 Prope es tu, Domine, et omnes viæ tuæ veritas.
152 Initio cognovi de testimoniis tuis, quia in æternum fundasti ea.
153 (Res)Vide humilitatem meam, et eripe me, quia legem tuam non sum oblitus.
154 Judica judicium meum, et redime me : propter eloquium tuum vivifica me.
155 Longe a peccatoribus salus, quia justificationes tuas non exquisierunt.
156 Misericordiæ tuæ multæ, Domine ; secundum judicium tuum vivifica me.
157 Multi qui persequuntur me, et tribulant me ; a testimoniis tuis non declinavi.
158 Vidi prævaricantes et tabescebam, quia eloquia tua non custodierunt.
159 Vide quoniam mandata tua dilexi, Domine : in misericordia tua vivifica me.
160 Principium verborum tuorum veritas ; in æternum omnia judicia justitiæ tuæ.
161 (Sin)Principes persecuti sunt me gratis, et a verbis tuis formidavit cor meum.
162 Lætabor ego super eloquia tua, sicut qui invenit spolia multa.
163 Iniquitatem odio habui, et abominatus sum, legem autem tuam dilexi.
164 Septies in die laudem dixi tibi, super judicia justitiæ tuæ.
165 Pax multa diligentibus legem tuam, et non est illis scandalum.
166 Exspectabam salutare tuum, Domine, et mandata tua dilexi.
167 Custodivit anima mea testimonia tua, et dilexit ea vehementer.
168 Servavi mandata tua et testimonia tua, quia omnes viæ meæ in conspectu tuo.
169 (Tau)Appropinquet deprecatio mea in conspectu tuo, Domine ; juxta eloquium tuum da mihi intellectum.
170 Intret postulatio mea in conspectu tuo ; secundum eloquium tuum eripe me.
171 Eructabunt labia mea hymnum, cum docueris me justificationes tuas.
172 Pronuntiabit lingua mea eloquium tuum, quia omnia mandata tua æquitas.
173 Fiat manus tua ut salvet me, quoniam mandata tua elegi.
174 Concupivi salutare tuum, Domine, et lex tua meditatio mea est.
175 Vivet anima mea, et laudabit te, et judicia tua adjuvabunt me.
176 Erravi sicut ovis quæ periit : quære servum tuum, quia mandata tua non sum oblitus.