Scrutatio

Lunedi, 29 aprile 2024 - Santa Caterina da Siena ( Letture di oggi)

Giobbe 4

font
NOVA VULGATAVULGATA
1 Respondens autem Eliphaz Themanites dixit:
1 Respondens autem Eliphaz Themanites, dixit :
2 “ Si coeperimus loqui tibi, forsitan moleste accipies;
sed conceptum sermonem tenere quis poterit?
2 Si cœperimus loqui tibi, forsitan moleste accipies ;
sed conceptum sermonem tenere quis poterit ?
3 Ecce, docuisti multos
et manus lassas roborasti;
3 Ecce docuisti multos,
et manus lassas roborasti ;
4 vacillantes confirmaverunt sermones tui,
et genua trementia confortasti.
4 vacillantes confirmaverunt sermones tui,
et genua trementia confortasti.
5 Nunc autem venit super te plaga, et defecisti;
tetigit te, et conturbatus es.
5 Nunc autem venit super te plaga, et defecisti ;
tetigit te, et conturbatus es.
6 Nonne timor tuus est fiducia tua,
spes tua est perfectio viarum tuarum?
6 Ubi est timor tuus, fortitudo tua,
patientia tua, et perfectio viarum tuarum ?
7 Recordare, obsecro te, quis umquam innocens periit,
aut quando recti deleti sunt?
7 Recordare, obsecro te, quis umquam innocens periit ?
aut quando recti deleti sunt ?
8 quin potius vidi eos, qui operantur iniquitatem
et seminant dolores et metunt eos,		8 Quin potius vidi eos qui operantur iniquitatem,
et seminant dolores, et metunt eos,
9 flante Deo perisse,
et spiritu irae eius esse consumptos.		9 flante Deo perisse,
et spiritu iræ ejus esse consumptos.
10 Rugitus leonis et vox leaenae
et dentes catulorum leonum contriti sunt.
10 Rugitus leonis, et vox leænæ,
et dentes catulorum leonum contriti sunt.
11 Leo periit, eo quod non haberet praedam,
et catuli leonis dissipati sunt.
11 Tigris periit, eo quod non haberet prædam,
et catuli leonis dissipati sunt.
12 Porro ad me furtive verbum delatum est,
et suscepit auris mea sussurrum eius.
12 Porro ad me dictum est verbum absconditum,
et quasi furtive suscepit auris mea venas susurri ejus.
13 In horrore visionis nocturnae,
quando solet sopor occupare homines,
13 In horrore visionis nocturnæ,
quando solet sopor occupare homines,
14 pavor tenuit me et tremor,
et omnia ossa mea perterrita sunt.		14 pavor tenuit me, et tremor,
et omnia ossa mea perterrita sunt ;
15 Et cum spiritus, me praesente, transiret,
inhorruerunt pili carnis meae.
15 et cum spiritus, me præsente, transiret,
inhorruerunt pili carnis meæ.
16 Stetit quidam, cuius non agnoscebam vultum,
imago coram oculis meis,
et vocem quasi aurae lenis audivi:
16 Stetit quidam, cujus non agnoscebam vultum,
imago coram oculis meis,
et vocem quasi auræ lenis audivi.
17 “Numquid homo Dei comparatione iustificabitur,
aut factore suo purior erit vir?”.
17 Numquid homo, Dei comparatione, justificabitur ?
aut factore suo purior erit vir ?
18 Ecce, in servis suis fiduciam non habet
et in angelis suis reperit pravitatem.		18 Ecce qui serviunt ei, non sunt stabiles,
et in angelis suis reperit pravitatem ;
19 Quanto magis hi, qui habitant domosluteas,
quorum fundamentum est in pulvere.
Consumentur velut tinea!
19 quanto magis hi qui habitant domos luteas,
qui terrenum habent fundamentum,
consumentur velut a tinea ?
20 De mane usque ad vesperam succidentur
et, quia nullus intellegit, in aeternum peribunt.
20 De mane usque ad vesperam succidentur ;
et quia nullus intelligit, in æternum peribunt.
21 Nonne evulsum est reliquum eorum ab eis?
Morientur, et non in sapientia.
21 Qui autem reliqui fuerint, auferentur ex eis ;
morientur, et non in sapientia.