Scrutatio

Sabato, 27 aprile 2024 - Santa Zita ( Letture di oggi)

Siracide 40

font
NOVA VULGATAVULGATA
1 Occupatio magna creata est omnibus hominibus,
et iugum grave super filios Adam
a die exitus de ventre matris eorum
usque in diem reditus in matrem omnium:
1 Occupatio magna creata est omnibus hominibus,
et jugum grave super filios Adam,
a die exitus de ventre matris eorum
usque in diem sepulturæ in matrem omnium.
2 cogitationes eorum et timores cordis,
adinventio exspectationis, dies finitionis.
2 Cogitationes eorum, et timores cordis,
adinventio exspectationis, et dies finitionis,
3 A residente super sedem gloriosam,
usque ad humiliatum in terra et cinere;
3 a residente super sedem gloriosam,
usque ad humiliatum in terra et cinere :
4 ab eo, qui portat hyacinthum et coronam,
usque ad eum, qui operitur lino crudo:
furor, zelus, tumultus, fluctuatio
et timor mortis et iracundia perseverans et contentio.
4 ab eo qui utitur hyacintho et portat coronam,
usque ad eum qui operitur lino crudo :
furor, zelus, tumultus, fluctuatio, et timor mortis,
iracundia perseverans, et contentio :
5 Et in tempore requiei in cubili
somnus noctis immutat scientiam eius.
5 et in tempore refectionis in cubili,
somnus noctis immutat scientiam ejus.
6 Modicum tamquam nihil in requie,
et ab eo in somnis quasi in die laborat
6 Modicum tamquam nihil in requie,
et ab eo in somnis, quasi in die respectus.
7 conturbatus in visu cordis sui
tamquam qui evaserit a facie belli;
in tempore somni necessarii exsurrexit
et admirans ad nullum timorem.
7 Conturbatus est in visu cordis sui,
tamquam qui evaserit in die belli :
in tempore salutis suæ exsurrexit,
et admirans ad nullum timorem :
8 Cum omni carne ab homine usque ad pecus;
et super peccatores septuplum amplius:
8 cum omni carne, ab homine usque ad pecus,
et super peccatores septuplum.
9 ad haec mors, sanguis, contentio et romphaea,
oppressiones, fames et contritio et flagella.
9 Ad hæc mors, sanguis, contentio, et rhomphæa,
oppressiones, fames, et contritio, et flagella :
10 Super iniquos creata sunt haec omnia,
et propter illos factus est cataclysmus.
10 super iniquos creata sunt hæc omnia :
et propter illos factus est cataclysmus.
11 Omnia, quae de terra sunt, in terram convertentur,
et omnia, quae de aquis sunt, in mare revertentur.
11 Omnia quæ de terra sunt in terram convertentur,
et omnes aquæ in mare revertentur.
12 Omne munus corruptionis et iniquitas delebitur,
et fides in saeculum stabit.
12 Omne munus et iniquitas delebitur,
et fides in sæculum stabit.
13 Substantiae iniustorum sicut fluvius siccabuntur
et sicut tonitruum magnum in pluvia evanescent.
13 Substantiæ injustorum sicut fluvius siccabuntur,
et sicut tonitruum magnum in pluvia personabunt.
14 In aperiendo manus suas laetabitur,
sic praevaricatores in consummationem deficient.
14 In aperiendo manus suas lætabitur :
sic prævaricatores in consummatione tabescent.
15 Nepotes impiorum non multiplicabunt ramos,
et radices immundae super cacumen petrae.
15 Nepotes impiorum non multiplicabunt ramos :
et radices immundæ super cacumen petræ sonant.
16 Viriditas super omnem aquam et ad oram fluminis
ante omne fenum evelletur.
16 Super omnem aquam viriditas,
et ad oram fluminis ante omne f?num evelletur.
17 Gratia sicut paradisus in benedictionibus,
et eleemosyna in saeculum permanet.
17 Gratia sicut paradisus in benedictionibus,
et misericordia in sæculum permanet.
18 Vita sibi sufficientis et operarii condulcabitur,
et super utrumque, eius qui inveniet thesaurum.
18 Vita sibi sufficientis operarii condulcabitur,
et in ea invenies thesaurum.
19 Filii et aedificatio civitatis confirmant nomen,
et super haec mulier immaculata computabitur.
19 Filii et ædificatio civitatis confirmabit nomen :
et super hæc mulier immaculata computabitur.
20 Vinum et musica laetificant cor,
et super utraque dilectio sapientiae.
20 Vinum et musica lætificant cor :
et super utraque dilectio sapientiæ.
21 Tibiae et psalterium suavem faciunt melodiam,
et super utraque lingua suavis.
21 Tibiæ et psalterium suavem faciunt melodiam :
et super utraque lingua suavis.
22 Gratiam et speciem desiderabit oculus,
et super haec virides sationes.
22 Gratiam et speciem desiderabit oculus tuus :
et super hæc virides sationes.
23 Amicus et sodalis in tempore convenientes,
et super utrosque mulier cum viro.
23 Amicus et sodalis in tempore convenientes,
et super utrosque mulier cum viro.
24 Fratres et adiutorium in tempore tribulationis,
et super utraque eleemosyna liberabit.
24 Fratres in adjutorium in tempore tribulationis :
et super eos misericordia liberabit.
25 Aurum et argentum firmant pedem,
et super utrumque consilium acceptum habetur.
25 Aurum et argentum est constitutio pedum :
et super utrumque consilium beneplacitum.
26 Facultates et virtutes exaltant cor,
et super haec timor Domini.
26 Facultates et virtutes exaltant cor,
et super hæc timor Domini.
27 Non est in timore Domini minoratio,
et non est super eo inquirere adiutorium.
27 Non est in timore Domini minoratio :
et non est in eo inquirere adjutorium.
28 Timor Domini sicut paradisus benedictionis,
et super omnem gloriam obumbratio eius.
28 Timor Domini sicut paradisus benedictionis,
et super omnem gloriam operuerunt illum.
29 Fili, in tempore vitae tuae ne indigeas;
melius est enim mori quam indigere.
29 Fili, in tempore vitæ tuæ ne indigeas :
melius est enim mori quam indigere.
30 Vir respiciens in mensam alienam,
non est vita eius in computatione vitae.
Contaminat enim animam suam cibis alienis;
30 Vir respiciens in mensam alienam,
non est vita ejus in cogitatione victus :
alit enim animam suam cibis alienis :
31 vir autem disciplinatus et eruditus custodiet se.
31 vir autem disciplinatus et eruditus custodiet se.
32 In ore impudentis condulcabitur mendicatio,
et in ventre eius ignis ardebit.
32 In ore imprudentis condulcabitur inopia,
et in ventre ejus ignis ardebit.