Siracide 7
Confronta con un'altra Bibbia
Cambia Bibbia
NOVA VULGATA | VULGATA |
---|---|
1 Noli facere mala, et mala non te apprehendent; | 1 Noli facere mala, et non te apprehendent : |
2 discede ab iniquitate, et deficiet abs te. | 2 discede ab iniquo, et deficient mala abs te. |
3 Fili, non semines in sulcis iniustitiae et non metes ea in septuplum. | 3 Fili, non semines mala in sulcis injustitiæ, et non metes ea in septuplum. |
4 Noli quaerere a Domino ducatum neque a rege cathedram honoris. | 4 Noli quærere a Domino ducatum, neque a rege cathedram honoris. |
5 Non te iustifices ante Deum, quoniam agnitor cordis ipse est; et penes regem noli velle videri sapiens. | 5 Non te justifices ante Deum, quoniam agnitor cordis ipse est : et penes regem noli velle videri sapiens. |
6 Noli quaerere fieri iudex, nisi valeas virtute irrumpere iniquitates; ne forte extimescas faciem potentis et ponas scandalum in aequitate tua. | 6 Noli quærere fieri judex, nisi valeas virtute irrumpere iniquitates : ne forte extimescas faciem potentis, et ponas scandalum in æquitate tua. |
7 Non pecces in multitudinem civitatis nec te immittas in populum. | 7 Non pecces in multitudinem civitatis, nec te immittas in populum : |
8 Neque alliges duplicia peccata; nec enim in uno eris immunis. | 8 neque alliges duplicia peccata, nec enim in uno eris immunis. |
9 Noli esse pusillanimis in oratione tua; | 9 Noli esse pusillanimis in animo tuo : |
10 exorare et facere eleemosynam ne despicias. | 10 exorare et facere eleemosynam ne despicias. |
11 Ne dicas: “ In multitudine munerum meorum respiciet Deus et, offerente me Deo altissimo, munera mea suscipiet ”. | 11 Ne dicas : In multitudine munerum meorum respiciet Deus, et offerente me Deo altissimo, munera mea suscipiet. |
12 Non irrideas hominem in amaritudine animae; est enim, qui humiliat et exaltat, circumspector Deus. | 12 Non irrideas hominem in amaritudine animæ : est enim qui humiliat et exaltat circumspector Deus. |
13 Noli arare mendacium adversus fratrem tuum neque in amicum similiter facias. | 13 Noli amare mendacium adversus fratrem tuum, neque in amicum similiter facias. |
14 Noli velle mentiri omne mendacium, assiduitas enim illius non est bona. | 14 Noli velle mentiri omne mendacium : assiduitas enim illius non est bona. |
15 Noli verbosus esse in multitudine presbyterorum et non iteres verbum in oratione tua. | 15 Noli verbosus esse in multitudine presbyterorum, et non iteres verbum in oratione tua. |
16 Non oderis laboriosa opera et rusticationem creatam ab Altissimo. | 16 Non oderis laboriosa opera, et rusticationem creatam ab Altissimo. |
17 Non te reputes in multitudine indisciplinatorum; | 17 Non te reputes in multitudine indisciplinatorum. |
18 memento irae, quoniam non tardabit. | 18 Memento iræ, quoniam non tardabit. |
19 Humilia valde spiritum tuum, quoniam vindicta carnis impii ignis et vermis. | 19 Humilia valde spiritum tuum, quoniam vindicta carnis impii ignis et vermis. |
20 Noli commutare amicum cum pecunia neque fratrem carissimum cum auro Ophir. | 20 Noli prævaricari in amicum pecuniam differentem, neque fratrem carissimum auro spreveris. |
21 Noli discedere a muliere sensata et bona, quam sortitus es in timore Domini; gratia enim verecundiae illius super aurum. | 21 Noli discedere a muliere sensata et bona, quam sortitus es in timore Domini : gratia enim verecundiæ illius super aurum. |
22 Non laedas servum operantem in veritate neque mercennarium dantem animam suam. | 22 Non lædas servum in veritate operantem, neque mercenarium dantem animam suam. |
23 Servus sensatus sit tibi dilectus quasi anima tua; non defraudes illum libertate neque inopem derelinquas illum. | 23 Servus sensatus sit tibi dilectus quasi anima tua : non defraudes illum libertate, neque inopem derelinquas illum. |
24 Pecora tibi sunt? Attende illis, et, si sunt utilia, perseverent apud te. | 24 Pecora tibi sunt, attende illis : et si sunt utilia, perseverent apud te. |
25 Filii tibi sunt? Erudi illos et curva a pueritia cervicem illorum. | 25 Filii tibi sunt ? erudi illos, et curva illos a pueritia illorum. |
26 Filiae tibi sunt? Serva corpus illarum et non ostendas hilarem faciem tuam ad illas. | 26 Filiæ tibi sunt ? serva corpus illarum, et non ostendas hilarem faciem tuam ad illas. |
27 Trade filiam, et grande opus feceris, et homini sensato da illam. | 27 Trade filiam, et grande opus feceris : et homini sensato da illam. |
28 Mulier si est tibi secundum animam tuam, non proicias illam, sed odibili non credas teipsum. In toto corde tuo | 28 Mulier si est tibi secundum animam tuam, non projicias illam : et odibili non credas te. In toto corde tuo |
29 honora patrem tuum et gemitus matris tuae ne obliviscaris. | 29 honora patrem tuum, et gemitus matris tuæ ne obliviscaris : |
30 Memento quoniam, nisi per illos, natus non fuisses; et quid retribues illis, quomodo et illi tibi? | 30 memento quoniam nisi per illos natus non fuisses : et retribue illis, quomodo et illi tibi. |
31 In tota anima tua time Dominum et sacerdotes illius sanctifica. | 31 In tota anima tua time Dominum, et sacerdotes illius sanctifica. |
32 In omni virtute tua dilige eum, qui te fecit, et ministros eius ne derelinquas. | 32 In omni virtute tua dilige eum qui te fecit, et ministros ejus ne derelinquas. |
33 Honora Deum ex tota anima tua et honorifica sacerdotes. | 33 Honora Deum ex tota anima tua, et honorifica sacerdotes, et propurga te cum brachiis. |
34 Da illis partem, sicut mandatum est tibi, primitiarum et purgationis et de neglegentia | 34 Da illis partem, sicut mandatum est tibi, primitiarum et purgationis, et de negligentia tua purga te cum paucis. |
35 et armum in oblationem et sacrificium sanctificationis et primitias sanctorum. | 35 Datum brachiorum tuorum, et sacrificium sanctificationis offeres Domino, et initia sanctorum. |
36 Et pauperi porrige manum tuam, ut perficiatur propitiatio et benedictio tua. | 36 Et pauperi porrige manum tuam, ut perficiatur propitiatio et benedictio tua. |
37 Gratia dati in conspectu omnis viventis, sed et mortuo non prohibeas gratiam. | 37 Gratia dati in conspectu omnis viventis, et mortuo non prohibeas gratiam. |
38 Non desis plorantibus in consolatione et cum lugentibus luge. | 38 Non desis plorantibus in consolatione, et cum lugentibus ambula. |
39 Non te pigeat visitare infirmum, ex his enim in dilectione firmaberis. | 39 Non te pigeat visitare infirmum : ex his enim in dilectione firmaberis. |
40 In omnibus operibus tuis memorare novissima tua et in aeternum non peccabis. | 40 In omnibus operibus tuis memorare novissima tua, et in æternum non peccabis. |