Psalmi 110

VULGATA	NOVA VULGATA
1 Alleluja. Confitebor tibi, Domine, in toto corde meo, in consilio justorum, et congregatione.	1 David. Psalmus. Dixit Dominus Domino meo: “ Sede a dextris meis, donec ponam inimicos tuos scabellum pedum tuorum ”.
2 Magna opera Domini : exquisita in omnes voluntates ejus.	2 Virgam potentiae tuae emittet Dominus ex Sion: dominare in medio inimicorum tuorum.
3 Confessio et magnificentia opus ejus, et justitia ejus manet in sæculum sæculi.	3 Tecum principatus in die virtutis tuae, in splendoribus sanctis, ex utero ante luciferum genui te.
4 Memoriam fecit mirabilium suorum, misericors et miserator Dominus.	4 Iuravit Dominus et non paenitebit eum: “ Tu es sacerdos in aeternum secundum ordinem Melchisedech ”.
5 Escam dedit timentibus se ; memor erit in sæculum testamenti sui.	5 Dominus a dextris tuis, conquassabit in die irae suae reges.
6 Virtutem operum suorum annuntiabit populo suo,	6 Iudicabit in nationibus: cumulantur cadavera, conquassabit capita in terra spatiosa.
7 ut det illis hæreditatem gentium. Opera manuum ejus veritas et judicium.	7 De torrente in via bibet, propterea exaltabit caput.
8 Fidelia omnia mandata ejus, confirmata in sæculum sæculi, facta in veritate et æquitate.
9 Redemptionem misit populo suo ; mandavit in æternum testamentum suum. Sanctum et terribile nomen ejus.
10 Initium sapientiæ timor Domini ; intellectus bonus omnibus facientibus eum : laudatio ejus manet in sæculum sæculi.